നാല് മാസം പ്രായമുള്ള ആൺ കുഞ്ഞ് തൊട്ടിലിൽ മരിച്ച നിലയിൽ; താൻ കഴുത്തിന് പിടിച്ചെന്ന് ഭർത്താവിനെ ഫോണിൽ വിളിച്ചറിയിച്ച് ഭാര്യ; നെറുകയിൽ മുലപ്പാൽ കയറിയതാണെന്ന് സംശയിക്കുന്നതായി പോലീസ്...
കാഞ്ഞിരപ്പള്ളിയിൽ നാല് മാസം പ്രായമുള്ള കുഞ്ഞിനെ മരിച്ച നിലയിൽ കണ്ടെത്തി.
കുവപ്പള്ളി കൂരംതൂക്ക് കളപ്പുരയ്ക്കൽ റിജോ കെ. ബാബു-സൂസന് ദമ്പതികളുടെ മകന് ഐഹാനെയാണ് തൊട്ടിലിൽ മരിച്ച നിലയിൽ കണ്ടെത്തിയത്.
ശനിയാഴ്ച ഉച്ചയോടെയായിരുന്നു സംഭവം. സൂസൻ ഭർത്താവിനെ ഫോൺ വിളിച്ച് തൊട്ടിലിൽ കിടന്ന മകന് അനക്കമില്ലെന്ന് അറിയിക്കുകയായിരുന്നു.
എന്ത് സംഭവിച്ചതാണെന്ന് ഭാര്യയോട് ചോദിച്ചപ്പോൾ താൻ കഴുത്തിന് പിടിച്ചതാണെന്ന് പറഞ്ഞിരുന്നതായി പോലീസ് പറയുന്നു.
റിജോ വിവരം അറിയിച്ചതിനെത്തുടര്ന്ന് പഞ്ചായത്ത് അംഗം അയൽവാസിയുമായി വീട്ടിലെത്തി കുഞ്ഞിന് കൃതൃമ ശ്വാസം നല്കാൻ ശ്രമിച്ചിരുന്നു.
ഉടൻ തന്നെ 26ാം മൈലിലെ സ്വകാര്യ ആശുപത്രിയിൽ എത്തിച്ചെങ്കിലും, കുട്ടി മരിച്ചിരുന്നു. നെറുകയിൽ മുലപ്പാൽ കയറിയതാണെന്ന് സംശയമുണ്ട്.
സൂസൻ മാനസിക പ്രശ്നത്തിന് ചികിത്സയിലായിരുന്നതായി പോലീസ് പറഞ്ഞു.
എസ് ഐ നജീബിന്റെ നേതൃത്വത്തിൽ മൃതദേഹം ഇന്ക്വസ്റ്റ് നടത്തി, പോസ്റ്റുമോർട്ടത്തിന് കാഞ്ഞിരപ്പള്ളി ജനറല് ആശുപത്രി മോര്ച്ചറിയിലേക്ക് മാറ്റി.
https://www.facebook.com/Malayalivartha