'ഡൊണാള്ഡ് ട്രംപുമായി ബിസിനസ് നടത്താന് ഒരുങ്ങുകയായിരുന്നു. അപ്പോഴാണ് കൊറോണ വന്നത്...' നടൻ ബാല പങ്കുവച്ച ആ വീഡിയോ, സഹോദരതുല്യനായി മോൺസണെ പരിചയപ്പെടുത്തിയപ്പോൾ അന്ന് പറഞ്ഞത്, ഞെട്ടിക്കുന്ന വിവരങ്ങൾ പുറത്ത്...
കേരളത്തെ വീണ്ടും മുൾമുനയിൽ നിർത്തി പുതിയ തട്ടിപ്പ് കഥകൾ പുറത്ത്. പുരാവസ്തുക്കളുടെ പേരില് സാമ്പത്തിക തട്ടിപ്പുകള് നടത്തിയ മോന്സണ് മാവുങ്കലിനെ കുറിച്ച് ഏറെ ഞെട്ടിക്കുന്ന വിവരങ്ങളാണ് പുറത്തുവന്നുകൊണ്ടിരിക്കുന്നത്. മോന്സണ് മാവുങ്കലിന് സിനിമാ-രാഷ്ട്രീയ പ്രമുഖരുമായും മാത്രമല്ല ഉയര്ന്ന പോലീസ് ഉദ്യോഗസ്ഥരുമായും അടുത്ത ബന്ധമാണുള്ളത് എന്ന് കഴിഞ്ഞ ദിവസം പുറത്തുവന്ന പല ചിത്രങ്ങളിലൂടെയും കാണുവാൻ കഴിഞ്ഞിരുന്നു. കൂടാതെ പല ഞെട്ടിക്കുന്ന വിവരങ്ങളും ഇതോടൊപ്പം തന്നെ പുറത്തുവരുകയുണ്ടായി.
ഡൊണാള്ഡ് ട്രംപുമായി ബിസിനസ് നടത്താന് ഒരുങ്ങുകയാണെന്ന മോന്സന്റെ വെളിപ്പെടുത്തൽ കേട്ട് ഞെട്ടിയിരിക്കുകയാണ് ഏവരും. ഇത് സമൂഹമാധ്യമങ്ങളിൽ ഏറെ ശ്രദ്ധേയമാകുന്നു. നടന് ബാല പങ്കുവച്ച വീഡിയോയില് ആണ് ഇക്കാര്യം വ്യക്തമാക്കിയിട്ടുള്ളത്.
അതായത് 2020 ജൂലൈ എട്ടിനാണു ബാല തന്റെ ഔദ്യോഗിക യുട്യൂബ് ചാനലില് മോന്സനെക്കുറിച്ചുള്ള വീഡിയോ പങ്കുവച്ചത്. കൂടാതെ മോന്സനെ താരം സഹോദരതുല്യനായിട്ടാണ് വിശേഷിപ്പിച്ചിരിക്കുന്നത്. വീഡിയോയിലൂടെ ഇയാളുടെ കഴിവുകളെ പുകഴ്ത്തുകയും ചെയ്യുന്നുണ്ട്. ട്രംപിന്റെ കുടുംബവുമായി ബന്ധപ്പെട്ട് താന് ബിസിനസ് ചെയ്യാന് ആലോചിച്ചിട്ടുണ്ടെന്നും ചരിത്രമുറങ്ങുന്ന ഇസ്ലാമിക പുരാവസ്തുക്കള് തന്റെ കൈവശമുണ്ടെന്നും അതിന്റെ ബിസിനസ് നടത്താനായി ട്രംപിന്റെ കമ്പനിയുമായി ചര്ച്ച നടത്തിയെന്നും വീഡിയോയില് മോന്സണ് വെളിപ്പെടുത്തുകയായിരുന്നു.
അതോടൊപ്പം തന്നെ ട്രംപുമായി ചേര്ന്ന് ബിസിനസ് കാര്യങ്ങള് ചര്ച്ച ചെയ്തു മുന്നോട്ട് പോകുന്നതിനിടയിലാണ് ലോക്ഡൗണ് വന്നതെന്നും മോന്സണ് ബാലയോട് പറഞ്ഞു.
അതേസമയം, മോണ്സന്റെ വീട്ടില് സന്ദര്ശനത്തിനെത്തിയവരില് അമൃതാനന്ദമയി, ചലചിത്ര നടി മല്ലികാ സുകുമാരന്, കൊല്ലത്തെ യുഡിഎഫ് നേതാക്കള് തുടങ്ങിയവരും ഉൾപ്പെട്ടിട്ടുണ്ട്. നേരത്തെ, മോഹന്ലാല്, ടോവിനോ തോമസ്, പേര്ളി മാണി, ശ്രീനിവാസന് തുടങ്ങിയവരുടെ ചിത്രങ്ങള് പുറത്തുവന്നിരുന്നു. ഇവർ കൂടാതെ രാഷ്ട്രീയ പ്രമുഖരും ഉന്നത പോലീസ് ഉദ്യോഗസ്ഥരും ഉണ്ട് എന്നത് കേസിന് നിര്ണായകമായിത്തീരുകയാണ്.
https://www.facebook.com/Malayalivartha