മുന്നില്‍ പോയ ബൈക്കില്‍ ഇടിക്കാതിരിക്കാനായി ബ്രേക്ക് ചെയ്ത ഓട്ടോറിക്ഷ ബൈക്കിലിടിച്ച് റോഡില്‍ മറിഞ്ഞു.....  പരിക്കേറ്റ ഓട്ടോഡ്രൈവറായ യുവാവ് ചികിത്സയിലിരിക്കെ ഇന്നു പുലര്‍ച്ചെ  മരിച്ചു, ഇന്നലെ വൈകിട്ട് കാഞ്ഞിരപ്പള്ളി ഫയര്‍ സ്റ്റേഷന് സമീപമായിരുന്നു അപകടം.

ബൈക്കിന് പിന്നില്‍ ഇടിക്കാതിരിക്കാന്‍ പെട്ടന്ന് ബ്രേക്ക് ചെയ്യുന്നതിനിടെ ഓട്ടോറിക്ഷ റോഡില്‍ മറിഞ്ഞുണ്ടായ അപകടത്തില്‍ ചികിത്സയിലായിരുന്നയാള്‍ മരിച്ചു.

പാലപ്ര വേങ്ങത്താനം മുണ്ടയ്ക്കല്‍ സുരേന്ദ്രന്‍പിള്ളയുടെ മകന്‍ അഭിലാഷ് എം.എസ് (38) ആണ് ഇന്ന് പുലര്‍ച്ചെ മരിച്ചത്. കോട്ടയം മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്നു. ഇന്നലെ വൈകിട്ട് കാഞ്ഞിരപ്പള്ളി ഫയര്‍ സ്റ്റേഷന് സമീപമായിരുന്നു അപകടം.

ഇരുവാഹനങ്ങളും മുണ്ടക്കയം ഭാഗത്തു നിന്നു വരികയായിരുന്നു . മുന്നില്‍ പോയ ബൈക്ക് പെട്ടന്ന് വശത്തേക്ക് തിരിച്ചപ്പോള്‍ ഇടിക്കാതിരിക്കാന്‍ ബ്രേക്ക് ചെയ്ത ഓട്ടോറിക്ഷ ബൈക്കിലിടിച്ച് റോഡില്‍ മറിഞ്ഞു. ഉടന്‍ തന്നെ എല്ലാപേരേയും ആശുപത്രിയിലാക്കി. എന്നാല്‍ ഇന്നു പുലര്‍ച്ചെ ഓട്ടോഡ്രൈവറായ യുവാവ് മരണത്തിന് കീഴടങ്ങി.

മരിച്ച യുവാവിനൊപ്പം ഭാര്യയും സഹോദരിയും സഹോദരിയുടെ മകളും ഓട്ടോയിലുണ്ടായിരുന്നു. അപകടത്തില്‍ സഹോദരിയുടെ മകള്‍ നിവേദിയ(ഏഴ്)ക്കും പരിക്കേറ്റിരുന്നു.