ഓഫീസുകള് സീല് വച്ചു അക്കൗണ്ടുകളെല്ലാം പൂട്ടിച്ചു നിരോധനത്തിന് പിന്നാലെ PFI കേന്ദ്രങ്ങളില് മിന്നല് നടപടി
മതതീവ്രവാദ സംഘടനയായ പോപ്പുലര് ഫ്രണ്ടിനെയും എട്ട് അനുബന്ധ സംഘടനകളെയും നിരോധിച്ചതോടെ സംസ്ഥാനത്തെ ഭീകരസംഘടനകളുടെ ഓഫീസുകള് സീല് ചെയ്യാനുള്ള നടപടികള് പോലീസ് ആരംഭിച്ചു. ഇത് സംബന്ധിച്ച കേന്ദ്രസര്ക്കാരിന്റെ ഉത്തരവ് പോലീസിന് ലഭിച്ചു.
നിരോധനം നിലവില് വരുന്നതോടെ പി.എഫ്.ഐയുടേയും അനുബന്ധ സ്ഥാപനങ്ങളുടേയും ഓഫീസുകളും ബാങ്ക് അക്കൗണ്ടുകളും ഉടന് മരവിപ്പിക്കും. എല്ലാ ജില്ലാ പോലിസ് മേധാവിമാര്ക്കും ഇതിനോടകം ജാഗ്രതാ നിര്ദേശം നല്കിയിട്ടുണ്ട്. ഇക്കാര്യത്തില് ജില്ലാ ഭരണകൂടവുമായി ചേര്ന്നാവും തുടര്ന്നുളള നീക്കങ്ങള്.
പോപ്പുലര് ഫ്രണ്ട് ഓഫ് ഇന്ത്യക്കൊപ്പം അനുബന്ധ സംഘടനകളായ റിഹാബ് ഇന്ത്യ ഫൗണ്ടേഷന്,ക്യാമ്പസ് ഫ്രണ്ട് ഓഫ് ഇന്ത്യ, ഓള് ഇന്ത്യ ഇമാംസ് കൗണ്സില്, നാഷണല് കോണ്ഫഡറേഷന് ഓഫ് ഹ്യൂമന് റൈറ്റ്സ് ഓര്ഗനൈസേഷന്, നാഷണല് വിമന്സ് ഫ്രണ്ട്, ജൂനിയര് ഫ്രണ്ട്, എംപവര് ഇന്ത്യ ഫൗണ്ടേഷന്, റിഹാബ് ഫൗണ്ടേഷന് കേരള എന്നീ സംഘടനകളേയും കേന്ദ്ര ആഭ്യന്തര മന്ത്രാലയം നിരോധിച്ചിട്ടുണ്ട്. ഇവയുമായി ചേര്ന്ന് പ്രവര്ത്തിക്കുന്നതും സഹായിക്കുന്നതും തടവ് ശിക്ഷ ലഭിക്കാവുന്ന കുറ്റമാണ്.
ഐഎസ് ഉള്പ്പെടെയുള്ള ആഗോള ഭീകര സംഘടനകളുമായി ബന്ധമുണ്ടെന്നു വ്യക്തമാക്കിയാണു പോപ്പുലര് ഫ്രണ്ടിനെ കേന്ദ്ര സര്ക്കാര് നിരോധിച്ചത്. ഭീകരപ്രവര്ത്തനങ്ങള്ക്കു ഫണ്ട് സ്വരൂപിക്കല്, ആയുധ പരിശീലന പരിപാടികള്, തീവ്രവാദം പ്രോത്സാഹിപ്പിക്കുന്ന സംഘടനകളിലേക്ക് ആളുകളെ റിക്രൂട്ട് ചെയ്യല് തുടങ്ങിയ ഗുരുതര ആരോപണങ്ങളാണു പോപ്പുലര് ഫ്രണ്ട് ഓഫ് ഇന്ത്യയ്ക്കും (പിഎഫ്ഐ) അനുബന്ധ സംഘടനകള്ക്കും എതിരെ കേന്ദ്രം പുറപ്പെടുവിച്ച വിജ്!ഞാപനത്തിലുള്ളത്. യുഎപിഎ നിയമപ്രകാരമാണു നടപടി. പോപ്പുലര് ഫ്രണ്ട് അടക്കം 8 സംഘടനകളെ 5 വര്ഷത്തേക്കാണു നിരോധിച്ചത്.
പോപ്പുലര് ഫ്രണ്ടിന്റെ അനുബന്ധ സംഘടനകളായ റിഹാബ് ഇന്ത്യ ഫൗണ്ടേഷന് (ആര്ഐഎഫ്), ക്യാംപസ് ഫ്രണ്ട് ഓഫ് ഇന്ത്യ (സിഎഫ്ഐ), ഓള് ഇന്ത്യ ഇമാംസ് കൗണ്സില് (എഐഐസി), നാഷനല് കോണ്ഫെഡറേഷന് ഓഫ് ഹ്യൂമന് റൈറ്റ്സ് ഓര്ഗനൈസേഷന് (എന്സിഎച്ച്ആര്ഒ), നാഷനല് വിമന്സ് ഫ്രണ്ട്, ജൂനിയര് ഫ്രണ്ട്, കേരളത്തിലെ എംപവര് ഇന്ത്യ ഫൗണ്ടേഷന് ആന്ഡ് റിഹാബ് ഓര്ഗനൈസേഷന് എന്നിവയ്ക്കാണു നിരോധനം. സൊസൈറ്റീസ് റജിസ്ട്രേഷന് നിയമപ്രകാരമാണു പിഎഫ്ഐ റജിസ്റ്റര് ചെയ്തിരുന്നത്.
നിരോധിച്ച മറ്റു സംഘടനകള്ക്ക് പിഎഫ്ഐയുമായി വ്യക്തമായ ബന്ധമുണ്ടെന്ന കണ്ടെത്തലിനെ തുടര്ന്നാണു നടപടിയെന്നു കേന്ദ്ര ആഭ്യന്തര മന്ത്രാലയം വിജ്ഞാപനത്തില് വ്യക്തമാക്കി. പിഎഫ്ഐ അംഗങ്ങളില്നിന്നു റിഹാബ് ഇന്ത്യ ഫൗണ്ടേഷന് ഫണ്ട് ശേഖരിച്ചിരുന്നതായും ക്യാംപസ് ഫ്രണ്ട്, ഓള് ഇന്ത്യ ഇമാംസ് കൗണ്സില്, നാഷനല് കോണ്ഫെഡറേഷന് ഓഫ് ഹ്യൂമന് റൈറ്റ്സ് ഓര്ഗനൈസേഷന്, എംപവര് ഇന്ത്യ ഫൗണ്ടേഷന് ആന്ഡ് റിഹാബ് ഓര്ഗനൈസേഷന് എന്നിവയില് പിഎഫ്ഐ പ്രവര്ത്തകരും അംഗങ്ങളാണെന്നും പോപ്പുലര് ഫ്രണ്ട് നേതാക്കളാണു നാഷനല് വിമന്സ് ഫ്രണ്ടിന്റെ പ്രവര്ത്തനങ്ങള് ഏകോപിപ്പിച്ചതെന്നും വിജ്ഞാപനത്തില് പറയുന്നു.
https://www.facebook.com/Malayalivartha
