ഗവര്ണറെ സര്വകലാശാലകളുടെ ചാന്സലര് സ്ഥാനത്തുനിന്ന് മാറ്റുന്നതിന് വ്യവസ്ഥ ചെയ്യുന്ന ഓര്ഡിനന്സ് രാജ്ഭവന് സര്ക്കാരിലേക്ക് മടക്കി അയച്ചു..... ഓര്ഡിനന്സ് ആയാലും ബില് ആയാലും ഒപ്പിടില്ലെന്ന നിലപാടുമായി ഗവര്ണര്
ഗവര്ണറെ സര്വകലാശാലകളുടെ ചാന്സലര് സ്ഥാനത്തുനിന്ന് മാറ്റുന്നതിന് വ്യവസ്ഥ ചെയ്യുന്ന ഓര്ഡിനന്സ് രാജ്ഭവന് സര്ക്കാരിലേക്ക് മടക്കി അയച്ചു..... ഓര്ഡിനന്സ് ആയാലും ബില് ആയാലും ഒപ്പിടില്ലെന്ന നിലപാടുമായി ഗവര്ണര്
ഡിസംബര് അഞ്ചിന് നിയമസഭാ സമ്മേളനം വിളിച്ചു ചേര്ത്ത സാഹചര്യത്തിലാണ് ഗവര്ണര് ഓര്ഡിനന്സ് മടക്കി അയച്ചത്. ഓര്ഡിനന്സിനു പകരം സഭാസമ്മേളനത്തില് ബില് കൊണ്ടുവരുമെന്ന് സര്ക്കാര് വ്യക്തമാക്കിയിരുന്നു.
തന്നെമാത്രം ലക്ഷ്യമിട്ടുള്ള നിയമനിര്മാണമാണെങ്കില് രാഷ്ട്രപതിക്ക് അയക്കുമെന്നും ഗവര്ണര് ആരിഫ് മുഹമ്മദ് ഖാന് വ്യക്തമാക്കിയിട്ടുണ്ടായിരുന്നു.സര്വകലാശാലാ വി.സി. നിയമനത്തില് സര്ക്കാരും ഗവര്ണറും തമ്മില് പോര് രൂക്ഷമായതിനെത്തുടര്ന്നാണ് ഗവര്ണറെ ചാന്സലര് സ്ഥാനത്തുനിന്ന് മാറ്റാനും പകരം അതത് മേഖലകളിലെ വിദഗ്ധരെ ചാന്സലറായി നിയമിക്കാനുമുള്ള ഓര്ഡിനന്സിന് സര്ക്കാര് രൂപം നല്കിയത്.
സമാന സ്വഭാവമുള്ള സര്വകലാശാലകള്ക്കായി ഒരു ചാന്സലറെന്ന നിലയിലായിരിക്കും നിയമനം. ഗവര്ണര്മാരെ സംസ്ഥാന സര്വകലാശാലകളുടെ ചാന്സലര്മാരായി നിയമിക്കുന്നത് ദേശീയനയത്തിന്റെ ഭാഗമാണെന്നും കേരളത്തിന് മാത്രമായി ഇക്കാര്യത്തില് തീരുമാനമെടുക്കാന് കഴിയില്ലെന്നും കഴിഞ്ഞദിവസം ഗവര്ണര് വ്യക്തമാക്കി.
https://www.facebook.com/Malayalivartha
