ശരണം വിളിയുമായി...... അയ്യപ്പനെ ആദ്യത്തെ ആഴ്ചയില് ദര്ശിച്ചത് മൂന്നര ലക്ഷത്തിലധികം പേര്.... ദിനം പ്രതി ഭക്തരുടെ എണ്ണത്തില് വര്ദ്ധനവ്..... ദര്ശനത്തിനുള്ള സമയക്രമം നീട്ടി
ശരണം വിളിയുമായി.... അയ്യപ്പനെ ആദ്യത്തെ ആഴ്ചയില് ദര്ശിച്ചത് മൂന്നര ലക്ഷത്തിലധികം പേര്.... ദിനം പ്രതി ഭക്തരുടെ എണ്ണത്തില് വര്ദ്ധനവ്..... ദര്ശനത്തിനുള്ള സമയക്രമം നീട്ടി. ശബരിമലയില് ഞായറാഴ്ച ഒഴികെയുള്ള ദിവസങ്ങളിലെല്ലാം ശരാശരി അറുപതിനായിരത്തോളം പേരാണ് ദര്ശനം നടത്തിയത്. തിങ്കളാഴ്ചയായിരുന്നു ഏറ്റവും കൂടുതല് വെര്ച്വല് ക്യൂ ബുക്കിംഗ് 71,000 പേര് ബുക്ക് ചെയ്തതില് 68,000ലധികം പേര് സന്നിധാനത്തെത്തി.
ഇനിയുള്ള ദിവസങ്ങളില് ഭക്തരുടെ എണ്ണം വര്ദ്ധിക്കുമെന്നാണ് ഇത് നല്കുന്ന സൂചന. വണ്ടിപ്പെരിയാര് സത്രം വള്ളക്കടവ്,പുല്മേടുവഴി കാല്നടയായി വരുന്ന തീര്ത്ഥാടകരുടെ എണ്ണവും വര്ദ്ധിച്ചിട്ടുണ്ട്. രാവിലെ 7 മുതല് ഉച്ചയ്ക്ക് 2വരെയാണ് ഈ പാതയിലൂടെ തീര്ത്ഥാടകര്ക്ക് സഞ്ചരിക്കാന് അനുമതിയുള്ളത്.
അതേസമയം ശബരിമലയിലെ അപ്പം, അരവണ വിതരണത്തിനുള്ള സൗകര്യങ്ങളെക്കുറിച്ച് പരിശോധിച്ച് റിപ്പോര്ട്ട് നല്കാനായി ശബരിമല സ്പെഷ്യല് കമ്മിഷണര്ക്ക് ഹൈക്കോടതിയുടെ നിര്ദ്ദേശം .
അരവണ വിതരണത്തിനായി വേണ്ടത്ര കാനുകള് എത്തിക്കുന്നതില് കരാറുകാരന് വീഴ്ചവരുത്തുന്നുവെന്ന സ്പെഷ്യല് കമ്മിഷണറുടെ റിപ്പോര്ട്ടിനെത്തുടര്ന്നാണ് ജസ്റ്റിസ് അനില് കെ. നരേന്ദ്രന്, ജസ്റ്റിസ് പി.ജി. അജിത്കുമാര് എന്നിവരുള്പ്പെട്ട ഡിവിഷന് ബെഞ്ചിന്റെ ഉത്തരവ്. അരവണ വിതരണത്തിന് തടസമുണ്ടാകരുതെന്നും കാനുകള് എത്തിക്കുന്നതില് വീഴ്ചവരുത്തിയാല് കരാറുകാരനെതിരെ നടപടിയെടുക്കാമെന്നും ദേവസ്വംബോര്ഡിന് നിര്ദ്ദേശം നല്കി ഹൈക്കോടതി. നവംബര് 24ന് വിഷയം വീണ്ടും പരിഗണിക്കുകയും ചെയ്യും.
https://www.facebook.com/Malayalivartha
