അന്തിമ തീരുമാനം ഇന്ന്.... സംസ്ഥാനത്ത് പാലിനും മദ്യത്തിനും വില ഉയര്ത്തുന്നതുമായി ബന്ധപ്പെട്ട തീരുമാനം ഇന്ന് മന്ത്രിസഭാ യോഗത്തില്
സംസ്ഥാനത്ത് പാലിനും മദ്യത്തിനും വില ഉയര്ത്തുന്നതുമായി ബന്ധപ്പെട്ട തീരുമാനം ഇന്ന് മന്ത്രിസഭാ യോഗത്തില്. പാല് വില ലീറ്ററിന് 6 രൂപ വര്ദ്ധിപ്പിച്ചേക്കും. എട്ടു രൂപയുടെ വര്ധനയാണ് മില്മ ആവശ്യപ്പെട്ടതെങ്കിലും ആറു രൂപയുടെ വര്ധനയാകും ഉണ്ടാവുക.
വിറ്റുവരവ് നികുതി ഒഴിവാക്കിയതിലെ നഷ്ടം നികത്താന് ആണ് മദ്യവില കൂട്ടുന്നത് പരിഗണിക്കുന്നത്. കര്ഷകരില് നിന്ന് ലിറ്ററിന് 37 രൂപ മുതല് 39 രൂപ വരെ നല്കിയാണ് മില്മ പാല് സംഭരിക്കുന്നത്. ഈ പാല് മില്മ വില്ക്കുന്നത് ലീറ്ററിന് 50 രൂപയ്ക്കാണ്.
സംഭരണ വിതരണ വിലയിലെ അന്തരം 13 രൂപ. പാല് വില ഉയര്ത്തുന്നതിന്റെ നേട്ടം തങ്ങള്ക്ക് ലഭിക്കുമോ എന്ന ചോദ്യമാണ് ക്ഷീര കര്ഷകരില് നിന്ന് ഉയരുന്നത്.
അതേസമയം മദ്യ ഉത്പാദകരില് നിന്ന് ഈടാക്കുന്ന അഞ്ച് ശതമാനം വിറ്റുവരവ് നികുതിയാണ് ഒഴിവാക്കുന്നത്. മദ്യവില ഉയര്ത്തുന്നതുമായി ബന്ധപ്പെട്ട് ചീഫ് സെക്രട്ടറി അധ്യക്ഷനായ സമിതി റിപ്പോര്ട്ട് സമര്പ്പിച്ചിരുന്നു. ഇത് മന്ത്രിസഭാ യോഗം ഇന്ന് പരിശോധിച്ചേക്കും.
https://www.facebook.com/Malayalivartha
