ആര്.എസ്.എസ്. നേതാവ് കതിരൂര് മനോജിനെ കൊലപ്പെടുത്തിയ കേസിലെ വിചാരണ കേരളത്തിന് പുറത്തേക്ക് മാറ്റണമെന്നാവശ്യപ്പെട്ടുള്ള ട്രാന്സ്ഫര് ഹര്ജിയില് പി. ജയരാജന് ഉള്പ്പെടെയുള്ള പ്രതികളെ കക്ഷി ചേര്ക്കാന് അപേക്ഷ നല്കി സി.ബി.ഐ
ആര്.എസ്.എസ്. നേതാവ് കതിരൂര് മനോജിനെ കൊലപ്പെടുത്തിയ കേസിലെ വിചാരണ കേരളത്തിന് പുറത്തേക്ക് മാറ്റണമെന്നാവശ്യപ്പെട്ടുള്ള ട്രാന്സ്ഫര് ഹര്ജിയില് പി. ജയരാജന് ഉള്പ്പെടെയുള്ള പ്രതികളെ കക്ഷി ചേര്ക്കാന് അപേക്ഷ നല്കി സി.ബി.ഐ.
ജയരാജന് പുറമേ 23 പേരെക്കൂടി കക്ഷി ചേര്ക്കണമെന്ന് ആവശ്യപ്പെട്ടാണ് സി.ബി.ഐ. അപേക്ഷ നല്കിയത്. കതിരൂര് മനോജ് വധക്കേസിന്റെ വിചാരണ തലശ്ശേരി സെഷന്സ് കോടതിയില് നിന്ന് കൊച്ചിയിലെ പ്രത്യേക സി.ബി.ഐ. കോടതിയിലേക്ക് നേരത്തേ സുപ്രീംകോടതി മാറ്റിയിട്ടുണ്ടായിരുന്നു.
എന്നാല് പ്രതികള്ക്കുമേല് കുറ്റം ചുമത്തല് നടപടികളാണ് പ്രത്യേക സി.ബി.ഐ. കോടതിയില് ഇപ്പോഴും പുരോഗമിക്കുന്നത്. ഇതിനിടയില് കേസിന്റെ വിചാരണ നടപടികള് തമിഴ്നാട്ടിലേക്കോ കര്ണാടകത്തിലേക്കോ മാറ്റണമെന്നാവശ്യപ്പെട്ട് സി.ബി.ഐ. സുപ്രീംകോടതിയെ സമീപിച്ചിട്ടുണ്ടായിരുന്നു.
2018ല് നല്കിയ ട്രാന്സ്ഫര് ഹര്ജിയില് കേസിലെ മുഖ്യ പ്രതിയായ പ്രകാശനെ മാത്രമായിരുന്നു സി.ബി.ഐ. എതിര് കക്ഷിയാക്കിയിരുന്നത്.
എന്നാല് മറ്റ് പ്രതികളുടെ കൂടി വാദം കേള്ക്കാതെ ട്രാന്സ്ഫര് ഹര്ജിയില് തീരുമാനമെടുക്കാനായി കഴിയില്ലെന്ന വാദം സുപ്രീംകോടതിയില് ചില അഭിഭാഷകര് ഉന്നയിച്ചിട്ടുണ്ടായിരുന്നു.
" f
https://www.facebook.com/Malayalivartha
