പദ്ധതി തയ്യാറാക്കിയത് കെല്‍ട്രോണ്‍ എഐ ക്യാമറയേക്കുറിച്ച് പറയേണ്ടത് അവരാണ്. എഐ ക്യാമറയിലെ കള്ളക്കളികള്‍ കോണ്‍ഗ്രസ് നേതാവ് രമേശ് ചെന്നിത്തല വലിച്ച് പുറത്തിട്ടതോടെ എല്ലാം കെല്‍ട്രോണിന്റെ തലയിലിട്ട് സര്‍ക്കാര്‍. ആന്റണി രാജുവിന്റെ ന്യായീകരണം കേട്ടാല്‍ കെല്‍ട്രോണിന് കരാര്‍ കൊടുത്തത് പിണറായി സര്‍ക്കാരല്ലെന്നുള്ള മട്ടാണ്. എന്തൊരു തോല്‍വിയാണ് ഈ മന്ത്രിയൊക്കെ. അധികാര കസേരയില്‍ കയറി ഇരിക്കുന്നതും ഭരണചക്രം തിരിക്കുന്നത് നിങ്ങളൊക്കെ തന്നെയല്ലെ. അപ്പോള്‍ ഒരു പദ്ധതി കൊണ്ടുവന്നാല്‍ അതിന്റെ എല്ലാ വശങ്ങളും അന്വേഷിക്കാനും സുരക്ഷ ഉറപ്പാക്കനും ഉള്ള ഉത്തരവാദിത്തം നിങ്ങള്‍ക്കില്ലെ. എഐ ക്യാമറയ്ക്ക് പിന്നില്‍ സര്‍ക്കാരിന്റെ വലിയ അഴിമതിയുണ്ട്. അതാണ് ഈ വെപ്രാളത്തിന് കാരണം.

ക്യാമറകളുടെ വില സംബന്ധിച്ചും സാങ്കേതിക കാര്യങ്ങള്‍ സംബന്ധിച്ചും പറയേണ്ടത് പദ്ധതി തയ്യാറാക്കിയ കെല്‍ട്രോണ്‍ ആണ്. മണ്ടത്തരം പറയല്ലെ മന്ത്രി ഇങ്ങനെ. പദ്ധതിക്ക് അനുമതി കൊടുക്കുമ്പോള്‍ കെല്‍ട്രോണുമായ് ഒരു ചര്‍ച്ചയും നടത്തിയില്ലെ. അതോ നിങ്ങള്‍ നിങ്ങളുടെ ഇഷ്ടത്തിന് പദ്ധതി നടപ്പാക്കിക്കോ എന്നാണോ പറഞ്ഞത്. പദ്ധതി തയ്യാറാക്കിയത് മോട്ടോര്‍ വാഹനവകുപ്പല്ല, കെല്‍ട്രോണാണ്. കെല്‍ട്രോണ്‍ സര്‍ക്കാര്‍ സ്ഥാപനമാണ്. ഇതിനുള്ള ശേഷി കെല്‍ട്രോണിന് ഉള്ളതുകൊണ്ടാണ് അവരെ ഏല്‍പിച്ചത്. 2018ല്‍ ആണ് പദ്ധതി കെല്‍ട്രോണിനെ ഏല്‍പ്പിക്കുന്നത്. 2021ല്‍ ആണ് ഞാന്‍ മന്ത്രിയായത്. അതിനു മുന്‍പുതന്നെ ഈ പദ്ധതി ആവിഷ്‌കരിച്ചുകഴിഞ്ഞിരുന്നു, ആന്റണി രാജു പറഞ്ഞു. പദ്ധതിയില്‍ സുതാര്യതക്കുറവുണ്ടെങ്കില്‍ അതിന് മറുപടി പറയേണ്ടതും കെല്‍ട്രോണ്‍ ആണ്. ക്യാമറയുടെ വിലയേക്കുറിച്ചും സാങ്കേതിക കാര്യങ്ങളെക്കുറിച്ചും മോട്ടോര്‍ വാഹനവകുപ്പിന് അറിയില്ല. അതുകൊണ്ടാണ് അത് അറിയുന്ന കെല്‍ട്രോണിനെ പദ്ധതി ഏല്‍പിച്ചത്. ഇതുസംബന്ധിച്ച് കെല്‍ട്രോണ്‍ വിശദീകരിക്കുമെന്നും മന്ത്രി പറഞ്ഞു. ഇരുചക്ര വാഹനങ്ങള്‍ മൂലമുണ്ടാകുന്ന അപകടങ്ങളാണ് കേരളത്തിലെ 58 ശതമാനം അപകടങ്ങളും. ഈ അപകടങ്ങള്‍ കുറയ്ക്കുക എന്നതാണ് ഇപ്പോള്‍ എഐ ക്യാമറയിലൂടെ ലക്ഷ്യംവെക്കുന്നത്. ഇത് സ്ഥാപിച്ചതിനു ശേഷംതന്നെ നിയമലംഘനങ്ങളുടെ എണ്ണം കുറഞ്ഞിട്ടുണ്ടെന്നും മന്ത്രി ചൂണ്ടിക്കാട്ടി.

ചുരുക്കി പറഞ്ഞാല്‍ വെളിവും വെള്ളിയാഴ്ചയും ഇല്ല ഞങ്ങള്‍ ഏവനേലും പദ്ധതി കൊടുക്കും അവന്മാരത് എങ്ങനേലും നടപ്പാക്കി കൊള്ളട്ടേന്നാണോ മന്ത്രി. ഖജനാവ് മുടിക്കുക അതല്ലെ ഞങ്ങല്‍ക്കറിയൂ. മന്ത്രിയാണെന്ന് പറയാന്‍ ലേശം ഉളുപ്പ്. ഈ സര്‍ക്കാരിന്റെ മാത്രം പ്രത്യേകതയാണിത്. സ്വന്തം വകുപ്പുകളില്‍ നടക്കുന്നതൊന്നും മന്ത്രിമാര്‍ അറിയാറില്ല. മില്‍മ പാലിന് വില കൂട്ടിയത് അറിയാത്ത ഒരു മന്ത്രി ചിഞ്ചു റാണി. ക്യാമറ വെച്ചതിന്റെ കൂടുതല്‍ വിവരങ്ങല്‍ അറിയാത്ത ഗതാഗത മന്ത്രി. വിദേശ രാജ്യങ്ങളിലെ കമ്പനികളുമായ് കരാര്‍ ഉണ്ടാക്കുമ്പോള്‍ അറിയാത്ത മുഖ്യമന്ത്രി. എജ്ജാതി തോല്‍വിയെടേ ഇവര്. ഭരിക്കാന്‍ അറിയില്ലേല്‍ കൂട്ടത്തോടെ രാജിവെച്ച് ഇറങ്ങിപ്പോകണം.

സ്പ്രിഗ്ലര്‍ വിവാദം കുത്തിപ്പൊക്കി കൊണ്ടുവന്ന് സര്‍ക്കാരിനെ വെള്ളംകുടിപ്പിച്ച രമേശ് ചെന്നിത്തല ഇപ്പോള്‍ എഐ ക്യാമറയിലെ തട്ടിപ്പിലും സര്‍ക്കാരിനെ മുള്‍മുനയില്‍ നില്‍ത്തിയിരിക്കുന്നത്. ട്രാഫിക് നിയമലംഘനങ്ങള്‍ കണ്ടെത്താന്‍ എ.ഐ. ക്യാമറകള്‍ സ്ഥാപിക്കാനുള്ള സംസ്ഥാന സര്‍ക്കാരിന്റെ പദ്ധതിയില്‍ അടിമുടി ദുരൂഹതയുണ്ടെന്ന് രമേശ് ചെന്നിത്തല പറഞ്ഞത്. കമ്പനികള്‍ തമ്മിലുണ്ടാക്കിയ കരാറില്‍ 75 കോടിയ്ക്ക് പദ്ധതി നടപ്പാക്കാമെന്ന് പറയുന്നു, ഇത് പിന്നീട് 232 കോടി ആയതെങ്ങനെയെന്ന് ചെന്നിത്തല ചോദിച്ചു. എ.ഐ. ക്യാമറകള്‍ സ്ഥാപിക്കുന്നതില്‍ കെല്‍ട്രോണിനെ മുന്‍നിര്‍ത്തിയുള്ള കള്ളക്കളിയാണ് നടക്കുന്നത്. പൊതുമേഖലാ സ്ഥാപനത്തിന്റെ മറവില്‍ വമ്പിച്ച കൊള്ളയാണ് നടക്കുന്നതെന്നും അദ്ദേഹം കുറ്റപ്പെടുത്തി. സേഫ് കേരള പദ്ധതിയുമായി ബന്ധപ്പെട്ട് ഒരു രേഖയും വിവരാവകാശനിയമപ്രകാരം നല്‍കുന്നില്ലെന്ന് അദ്ദേഹം ആരോപിച്ചു. സര്‍ക്കാര്‍ മുഴുവന്‍ കാര്യങ്ങളും മറച്ചുവെക്കുകയാണെന്നും അദ്ദേഹം പറഞ്ഞു. എഐ ക്യാമറകള്‍ വെക്കുന്നതിന് കെല്‍ട്രോണ്‍ എസ്.ആര്‍.ഐ.ടി. എന്ന ബാംഗ്ലൂര്‍ ആസ്ഥാനമായുള്ള കമ്പനിക്ക് ഉപകരാര്‍ നല്‍കി. ഇവര്‍ക്ക് ഇതില്‍ മുന്‍പരിചയമില്ല. ഇ ടെന്‍ഡറിലൂടെയാണ് എസ്.ആര്‍.ഐ.ടിയെ തിരഞ്ഞെടുത്തതെന്നാണ് കെല്‍ട്രോണ്‍ അറിയിക്കുന്നത്. എന്നാല്‍, ടെന്‍ഡറില്‍ വേറെ ആരെയെങ്കിലും പങ്കെടുത്തിരുന്നോയെന്ന് കെല്‍ട്രോണ്‍ വ്യക്തമാക്കണം. ടെന്‍ഡര്‍ മാനദണ്ഡങ്ങള്‍ പാലിച്ചോയെന്നുള്‍പ്പെടെ വ്യക്തമാക്കേണ്ടുതുണ്ട്.