മലയാറ്റൂര് സന്ദര്ശനം കഴിഞ്ഞ് മടങ്ങവേ കല്പ്പറ്റ പുഴമുടിയില് കാര് നിയന്ത്രണം വിട്ടു മറിഞ്ഞ് മൂന്നു വിദ്യാര്ത്ഥികള്ക്ക് ദാരുണാന്ത്യം
മലയാറ്റൂര് സന്ദര്ശനം കഴിഞ്ഞ് മടങ്ങവേ കല്പ്പറ്റ പുഴമുടിയില് കാര് നിയന്ത്രണം വിട്ടു മറിഞ്ഞ് മൂന്നു വിദ്യാര്ത്ഥികള്ക്ക് ദാരുണാന്ത്യം. വസാന വര്ഷ ബി.സി.എ വിദ്യാര്ത്ഥിയും കണ്ണൂര് കച്ചേരിക്കടവ് പാലത്തുകടവ് ചെന്മേലില് വീട്ടില് അഡോണ് ബെസ്റ്റി (20), അവസാന വര്ഷ ബി.കോം വിദ്യാര്ത്ഥിയും കണ്ണൂര് കല്ലറക്കല് വീട്ടില് ജിസ്ന മേരി ജോസഫ് (20), അവസാന വര്ഷ ബി.കോം വിദ്യാര്ത്ഥിയും കാസര്കോട് മങ്കയം വെള്ളരിക്കുണ്ട് സ്വദേശിയുമായ സ്നേഹ ജോസഫ് (20 ) എന്നിവരാണ് മരിച്ചത്. ഇന്നലെ വൈകുന്നേരം ആറോടെ ആയിരുന്നു സംഭവം നടന്നത്
മരിച്ച ഡിയോണിന്റെ ഇളയ സഹോദരി ഡിഡോണയെ മേപ്പാടിയിലെ സ്വകാര്യ മെഡിക്കല് കോളേജില് ഗുരുതര പരിക്കുകളോടെ പ്രവേശിപ്പിച്ചിരിക്കുകയാണ്. മരിച്ച സ്നേഹയുടെ ഇളയ സഹോദരി സോന ജോസഫ്(16) മൂന്നാം വര്ഷ വിദ്യാര്ത്ഥിയും ഇരട്ടി പൂളക്കുറ്റി വെള്ളക്കടവ് സ്വദേശിയുമായ സാന്ജോ ജോസ് അഗസ്റ്റിന്(19) എന്നിവര് കല്പ്പറ്റയിലെ സ്വകാര്യ ആശുപത്രിയില് ചികിത്സയിലാണ്.
പടിഞ്ഞാറത്തറയില് നിന്നും കല്പ്പറ്റയിലേക്ക് വരികയായിരുന്ന കാര് നിയന്ത്രണം വിട്ട് താഴ്ചയിലേക്ക് മറിയുകയായിരുന്നു. റോഡരികിലെ ഇലക്ട്രിക് പോസ്റ്റിലും മരത്തിലും കാര് ഇടിച്ചിട്ടുണ്ട്. മൂന്നുപേരും സംഭവസ്ഥലത്ത് തന്നെ മരണപ്പെട്ടു.
അപകടത്തില് കാര് പൂര്ണമായും തകര്ന്നു. മൃതദേഹങ്ങള് ഇന്ന് പോസ്റ്റുമോര്ട്ടത്തിന് ശേഷം ബന്ധുക്കള്ക്ക് വിട്ടുനല്കും
"
https://www.facebook.com/Malayalivartha
