പഴമുറം കൊണ്ട് സൂര്യനെ മറയ്ക്കാനാവില്ല;കൈതോലപ്പായ വിവാദത്തില് സിപിഎം നാണംകെട്ട് നില്ക്കെ പാര്ട്ടി സെക്രട്ടറിയുടെ ക്യാപ്സൂള് എത്തി,മാളത്തിലൊളിച്ചവരൊക്കെ തലപൊക്കി,ഗോവിന്ദന് മാഷിന്റെ ന്യായീകരണത്തിനും പൊങ്കാല,എവിടെ പരിപാടി അവതരിപ്പിച്ചാലും തോല്വി
പഴമുറം കൊണ്ട് സൂര്യനെ മറയ്ക്കാനാവില്ല. കൈതോലപ്പായ വിവാദത്തില് പാര്ട്ടി സെക്രട്ടറിയുടെ ക്യാപ്സൂള് എത്തി. ഫെയ്സ്ബുക്കില് എഴുതിയതെല്ലാം ചര്ച്ചയാക്കുകയാണ്. പുകമറ സൃഷ്ടിച്ച് പാര്ട്ടിയെ കരിതേക്കാന് ചില മാധ്യമങ്ങള് ശ്രമിക്കുകയാണ്. വരികള്ക്കിടയില് വായിക്കാന് കേരളത്തിലെ സാധാരണക്കാര്ക്കറിയാം കള്ളപ്രചാരണങ്ങളെ കാര്യമാക്കുന്നില്ലെന്നും അദ്ദേഹം വ്യക്തമാക്കി. ജി.ശക്തിധരന്റെ 'കൈതോലപായ' ആരോപണത്തിലാണ് സിപിഎം സംസ്ഥാന സെക്രട്ടറിയുടെ പ്രതികരണം. ആദ്യമായിട്ടാണ് സിപിഎം ഈ വിഷയവുമായി ബന്ധപ്പെട്ട് പ്രതികരിക്കുന്നത്.
സിപിഎമ്മിന്റെ ഉന്നത നേതാവ് കലൂരിലെ 'ദേശാഭിമാനി' ഓഫീസില് 2 ദിവസം ചെലവിട്ട് സമ്പന്നരില്നിന്നു പണം കൈപ്പറ്റിയെന്നും അതില് 2 കോടിയിലേറെ രൂപ എണ്ണിത്തിട്ടപ്പെടുത്തുന്നതിനു താന് സാക്ഷി ആണെന്നുമാണു ശക്തിധരന് ആരോപിച്ചത്. ആ പണം കൈതോലപ്പായയില് പൊതിഞ്ഞ് ഇന്നോവ കാറില് തിരുവനന്തപുരത്തേക്കു കൊണ്ടുപോയെന്നും അദ്ദേഹം പറഞ്ഞു. ഇപ്പോഴത്തെ ഒരു മന്ത്രിയും ആ കാറില് ഉണ്ടായിരുന്നുവെന്നും അദ്ദേഹം വ്യക്തമാക്കിയിരുന്നു. ഇതുമായി ബന്ധപ്പെട്ട് കോണ്ഗ്രസ് നേതാവും ചാലക്കുടി എംപിയുമായ ബെന്നി ബഹന്നാന് ഡിജിപിക്ക് പരാതി നല്കിയിരുന്നു. ഈ പരാതി എഡിജിപിയുടെ നേതൃത്വത്തില് അന്വേഷിക്കുകയാണ്.
ദേശാഭിമാനി മുന് അസോസിയേറ്റ് എഡിറ്റര് ജി. ശക്തിധരന് ഉന്നയിച്ച അവഗണിക്കുകയാണ് സിപിഎം. സി.പി.എമ്മിന്റെ ഉന്നത നേതാവ് കലൂരിലെ ദേശാഭിമാനി ഓഫീസില് രണ്ട് ദിവസം ചെലവിട്ട് സമ്പന്നരില് നിന്ന് കൈപ്പറ്റിയ രണ്ടരക്കോടിയോളം രൂപ എണ്ണിത്തിട്ടപ്പെടുത്തുന്നതിന് താന് സാക്ഷിയാണെന്നും, ആ പണം കൈതോലപ്പായയില് പൊതിഞ്ഞ് ഇന്നോവ കാറില് തിരുവനന്തപുരത്തേക്ക് കൊണ്ടുപോയെന്നുമാണ് ശക്തിധരന് ഫേസ്ബുക് പോസ്റ്റില് ആരോപിച്ചത്. ഇപ്പോഴത്തെ ഒരു മന്ത്രിയും കാറിലുണ്ടായിരുന്നുവെന്നും ആരോപിച്ചിരുന്നു. സുധാകരനെ അഴിമതിയാരോപണ പുകമറയിലാക്കിയതിന് സമാനമായി ,സി.പി.എമ്മിനെ കുരുക്കാനുള്ള പിടിവള്ളിയായി ഇതിനെ മാറ്റാനാണ് കോണ്ഗ്രസ് ശ്രമം. ആരോപണത്തിന്മേല് കോണ്ഗ്രസ് എം.പി ബെന്നി ബെഹനാന് നല്കിയ പരാതി അന്വേഷിക്കാന് ക്രമസമാധാനച്ചുമതലയുള്ള എ.ഡി.ജി.പിക്ക് പൊലീസ് മേധാവി കൈമാറിയത് കേസ് അട്ടിമറിക്കാനാണെന്നാരോപിച്ച് കോണ്ഗ്രസ് നേതാവ് രമേശ് ചെന്നിത്തല രംഗത്തെത്തി.
കൈതോലപ്പായയില് പണം കടത്തിയെന്ന ദേശാഭിമാനി മുന് പത്രാധിപ സമിതിയംഗം ജി. ശക്തിധരന്റെ വെളിപ്പെടുത്തലില് മുഖ്യമന്ത്രി മൗനം വെടിയണമെന്ന് ബെന്നി ബഹനാന് എം.പി ആവശ്യപ്പെട്ടു. പാര്ട്ടിയുടെ അതീവവിശ്വസ്തര് മാത്രമേ പത്രാധിപ സമിതിയിലുള്പ്പെടാറുള്ളു. പണം എണ്ണിത്തിട്ടപ്പെടുത്തിയയാള് തന്നെയാണ് വെളിപ്പെടുത്തിയത്. ഇത്രയും ഭീമമായ തുക ആരും വെറുതെ നല്കില്ല. പണം നല്കിയതും കൊണ്ടുപോയതും ആരെന്നും പണം എന്തിന് ഉപയോഗിച്ചെന്നും അറിയണം. മോന്സണ് മാവുങ്കലുള്പ്പെട്ട തട്ടിപ്പ് കേസില് പണം കൈപ്പറ്റിയെന്ന ആരോപണത്തിലാണ് കെ.പി.സി.സി പ്രസിഡന്റ് കെ. സുധാകരനെതിരെ കേസെടുത്തത്. അതേ മാനദണ്ഡം ഇവിടെയും ബാധകമാണ്. കോവളത്തെ ഹോട്ടലില് വ്യവസായി നല്കിയ പണമടങ്ങിയ രണ്ട് കവറുകള് വാങ്ങിയതും അഴിമതിയാണ്. താന്റെ പരാതിയില് പൊലീസ് കേസെടുത്തില്ലെങ്കില് മറ്റു വഴി നോക്കുമെന്നും ബെന്നി ബഹനാന് പറഞ്ഞത്.
https://www.facebook.com/Malayalivartha
