ബംഗാള് ഉള്ക്കടലിലെ ന്യൂനമര്ദ്ദം.... തിങ്കളാഴ്ച മുതല് സംസ്ഥാനത്ത് അതിശക്തമായ മഴയ്ക്ക് സാദ്ധ്യത.... നാല് ജില്ലകളില് ഇന്ന് യെല്ലോ അലര്ട്ട്...
ബംഗാള് ഉള്ക്കടലിലെ ന്യൂനമര്ദ്ദം...തിങ്കളാഴ്ച മുതല് സംസ്ഥാനത്ത് അതിശക്തമായ മഴയ്ക്ക് സാദ്ധ്യത. വ്യാഴാഴ്ച വരെ തുടരും. ബംഗാള് ഉള്ക്കടലിലെ ന്യൂനമര്ദ്ദം, കേരള തീരത്തെ ന്യൂനമര്ദ്ദ പാത്തി എന്നിവ സജീവമാകുമ്പോള് കാലവര്ഷക്കാറ്റ് ശക്തി പ്രാപിക്കുമെന്നാണ് പ്രതീക്ഷിക്കുന്നത്.
ഇടുക്കി, കോട്ടയം, കണ്ണൂര്, കോഴിക്കോട്, കാസര്കോട് ജില്ലകളിലാകും കൂടുതല് മഴയ്ക്ക് സാധ്യത. അതേസമയം, ഇന്നു മുതല് ഞായര് വരെ ഒറ്റപ്പെട്ട മഴ തുടര്ന്നേക്കും. ആലപ്പുഴ, കോഴിക്കോട്, കണ്ണൂര്, കാസര്കോട് ജില്ലകളില് ഇന്ന് യെല്ലോ അലര്ട്ട് പ്രഖ്യാപിച്ചു.
അതേസമയം കേരള തീരത്ത് ഉയര്ന്ന തിരമാലയ്ക്ക് സാധ്യതയുണ്ട്. മത്സ്യത്തൊഴിലാളികളും തീരദേശവാസികളും ജാഗ്രത പാലിക്കേണ്ടതാണ്.
കടല്ക്ഷോഭം രൂക്ഷമാകാനായി സാധ്യതയുള്ളതിനാല് അപകട മേഖലകളില് നിന്ന് അധികൃതരുടെ നിര്ദേശാനുസരണം മാറി താമസിക്കണം.
വടക്ക് പടിഞ്ഞാറന് ബംഗാള് ഉള്ക്കടലില്, വടക്കന് ഒഡിഷ പശ്ചിമ ബംഗാള് തീരത്തിനു സമീപം രൂപപ്പെട്ട ന്യുനമര്ദ്ദം നിലവില് വടക്കന് ഒഡിഷയ്ക്ക് മുകളിലാണ് സ്ഥിതി ചെയ്യുന്നത്. ഈ ദിവസങ്ങളില് ഝാര്ഖണ്ഡ്, ഛത്തീസ്ഗഡ് വഴി വടക്കന് മധ്യപ്രദേശിലേക്ക് നീങ്ങാന് സാധ്യതയെന്നും കേന്ദ്ര കാലാവസ്ഥ വകുപ്പ് അറിയിച്ചു.
"
https://www.facebook.com/Malayalivartha
