പൂവിളിയുമായി അത്തച്ചമയാഘോഷങ്ങള്ക്ക് തൃപ്പൂണിത്തുറ ഒരുങ്ങുന്നു....ആഘോഷത്തിന് മുന്നോടിയായുള്ള കലാമത്സരത്തിന് ഇന്ന് തിരിതെളിയും
പൂവിളിയുമായി അത്തച്ചമയാഘോഷങ്ങള്ക്ക് തൃപ്പൂണിത്തുറ ഒരുങ്ങുന്നു. ആഘോഷത്തിന് മുന്നോടിയായുള്ള കലാമത്സരത്തിന് ഇന്ന് തിരിതെളിയും.
ഇന്ന് വൈകുന്നേരം 5.30ന് തൃപ്പൂണിത്തുറ ലായം പ്രിയദര്ശിനി കൂത്തമ്പലത്തില് പ്രശസ്ത സിനിമാ സംവിധായകന് സുധി മാഡിസണ് ഉദ്ഘാടനം ചെയ്യും.കലാ മത്സരങ്ങള് ഓഗസ്റ്റ് 15 വരെ നടക്കും. ഈ വര്ഷം മുതല് കലാ മത്സരങ്ങളില് പുതുതായി 20ലധികം ഇനങ്ങളും ഉള്പ്പെടുത്തി.
44 ഇനങ്ങളിലായി സബ് ജൂനിയര്, ജൂനിയര്, സീനിയര്, സൂപ്പര് സീനിയര് വിഭാഗങ്ങളിലായി 130 മത്സരങ്ങളില് 1600 ലേറെ മത്സരാര്ത്ഥികളാണ് പങ്കെടുക്കുക.
പ്രിയദര്ശിനി ലായം കൂത്തമ്പലം, ശാസ്താ ഹാള്, ഗവ ബോയ്സ് ഹൈസ്കൂള് എന്നിവിടങ്ങളിലെ മൂന്നു വേദികളിലാണ് മത്സരം നടക്കുന്നത്. അതിവിപുലമായ തയ്യാറെടുപ്പുകളോടെയാണ് ഓഗസ്റ്റ് 20ന് നടക്കുന്ന അത്തച്ചമയ ഘോഷയാത്ര നഗരസഭ ആസൂത്രണം ചെയ്തിട്ടുള്ളത്.
"
https://www.facebook.com/Malayalivartha
