കണ്ണൂര്, കാസര്ഗോഡ് ജില്ലകളിലെ ഒറ്റപ്പെട്ടയിടങ്ങളില് ഇന്ന് നേരിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ്
കണ്ണൂര്, കാസര്ഗോഡ് ജില്ലകളിലെ ഒറ്റപ്പെട്ടയിടങ്ങളില് ഇന്ന് നേരിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ്. കേരള, കര്ണാടക തീരങ്ങളിലും ലക്ഷദ്വീപ് മേഖലയിലും മത്സ്യബന്ധനത്തിന് തടസമില്ലെന്നും കാലാവസ്ഥ വകുപ്പ് .
അതേസമയം, സംസ്ഥാനത്തെ ട്രോളിംഗ് നിരോധനം ഇന്ന് അര്ദ്ധരാത്രി അവസാനിക്കും. 3500 യന്ത്രവല്കൃത ബോട്ടുകള് മീന് പിടിക്കാനായി കടലിലിറക്കും. മഴ കുറഞ്ഞത് മത്സ്യ ലഭ്യത കുറയ്ക്കുമെന്ന ആശങ്കയുണ്ട് മത്സ്യത്തൊഴിലാളികള്ക്ക്. എങ്കിലും പ്രതീക്ഷയോടെ കടലില് പോകാനുള്ള അവസാന വട്ട തയ്യാറെടുപ്പിലാണ് സംസ്ഥാനത്തെമ്പാടും മത്സ്യത്തൊഴിലാളികള്.
നീണ്ട 52 ദിവസത്തെ വറുതിക്കാലത്തിന് ശേഷമാണ് പുതിയ വലകള് സജ്ജമാക്കിയും പഴയ വലകള് നന്നാക്കിയും മത്സ്യത്തൊഴിലാളികള് തയ്യാറെടുക്കുന്നത്.
പുത്തന് പെയിന്റടിച്ചും അറ്റകുറ്റപ്പണി നടത്തിയും ബോട്ടുകളും തയ്യാറാണ്. ഐസുകള് നിറച്ചു തുടങ്ങി. ഇന്ന് അര്ദ്ധരാത്രി മീന് പിടിക്കാനിറങ്ങുന്ന ബോട്ടുകളില് ആദ്യ സംഘം നാളെ ഉച്ചയോടെ തീരമണിയും.
"
https://www.facebook.com/Malayalivartha
