കേരള സര്വകലാശാല ആസ്ഥാനത്തെ ഇന്ഫര്മേഷന് കൗണ്ടറില് എന്നും വന്നുപോയ നൂറുകണക്കിന് വിദ്യാര്ത്ഥികള്ക്ക് അന്വേഷണവിഭാഗം അസിസ്റ്റന്റ് ശ്രീ. കെ എം ഗോപിനാഥക്കുറുപ്പിനെ മറക്കാനാകില്ല; കോഴ്സുകള്, പരീക്ഷാത്തീയതി, ഫീസ് , ഫൈന്, അനുബന്ധരേഖകള് അങ്ങനെ ഒരു വിദ്യാര്ത്ഥിയുടെ മനസ്സിലുയരുന്ന സംശയങ്ങള്ക്കൊക്കെ മറുപടി ഒഴുകിയിങ്ങുവരും; വിദ്യാര്ത്ഥികളുടെ മനസ്സില് ഇടം പിടിച്ച ശ്രീ കുറുപ്പിന് ആദരാഞ്ജലികള്
കേരള സര്വകലാശാല ആസ്ഥാനത്തെ ഇന്ഫര്മേഷന് കൗണ്ടറില് എന്നും വന്നുപോയ നൂറുകണക്കിന് വിദ്യാര്ത്ഥികള്ക്ക് അന്വേഷണവിഭാഗം അസിസ്റ്റന്റ് ശ്രീ. കെ എം ഗോപിനാഥക്കുറുപ്പിനെ മറക്കാനാകില്ല. കോഴ്സുകള്, പരീക്ഷാത്തീയതി, ഫീസ് , ഫൈന്, അനുബന്ധരേഖകള് അങ്ങനെ ഒരു വിദ്യാര്ത്ഥിയുടെ മനസ്സിലുയരുന്ന സംശയങ്ങള്ക്കൊക്കെ മറുപടി ഒഴുകിയിങ്ങുവരും.വിദ്യാര്ത്ഥികളുടെ മനസ്സില് ഇടം പിടിച്ച ശ്രീ കുറുപ്പ് വിട പറഞ്ഞു. അദ്ദേഹത്തിന് ആദരാഞ്ജലികള് അര്പ്പിച്ച് കൊണ്ടുള്ള കുറിപ്പിന്റെ പൂര്ണ രൂപം ഇങ്ങനെ ;
കുറുപ്പ് അഥവാ വിവരങ്ങളുടെ ഉറപ്പ്
ഇന്റര്നെറ്റും വെബ് സൈറ്റും മൊബൈലുമൊക്കെ വരും മുമ്പ് കാര്യങ്ങള് ആരോടെങ്കിലും നേരിട്ട് ചോദിച്ചറിയുകയായിരുന്നു നമ്മുടെ രീതി. അക്കാലത്ത് കേരള സര്വകലാശാല ആസ്ഥാനത്തെ ഇന്ഫര്മേഷന് കൗണ്ടറില് എന്നും വന്നുപോയ നൂറുകണക്കിന് വിദ്യാര്ത്ഥികള്ക്ക് ഒരു 'റെഡി റെക്കണര്' ആയിരുന്നു അന്വേഷണവിഭാഗം അസിസ്റ്റന്റ് ശ്രീ. കെ എം ഗോപിനാഥക്കുറുപ്പ് .
കോഴ്സുകള്, പരീക്ഷാത്തീയതി, ഫീസ് , ഫൈന്, അനുബന്ധരേഖകള് അങ്ങനെ ഒരു വിദ്യാര്ത്ഥിയുടെ മനസ്സിലുയരുന്ന സംശയങ്ങള്ക്കൊക്കെ മറുപടി ഒഴുകിയിങ്ങുവരും.
1980 കളില് അന്വേഷണവിഭാഗത്തിലെ റിസപ്ഷന് ഓഫീസര് ശ്രീ മൊറെയ്സിന്റെ സംശയനിവാരണ വൈഭവം അദ്ഭുതപ്പെടുത്തിയിട്ടുണ്ട്. അന്ന്, ശ്രീ കുറുപ്പും സകലരുടെയും ശ്രദ്ധയാകര്ഷിച്ചിരുന്നു.
കൗണ്ടറില് ഒരേ സമയം ഒന്നിലേറേപ്പേര് ഒരേ വിവരം തിരക്കും. ഒട്ടും മുഷിയാതെ, ഓരോരുത്തര്ക്കും ഉത്തരം കൊടുക്കുകയാണ് ശ്രീ. കുറുപ്പിന്റെ രീതി. വിദ്യാര്ത്ഥികള്ക്കാവശ്യമായ സകല വിവരവും ശേഖരിക്കും . ഉത്തരവുകളുടെ ഉള്ളടക്കവും ഭവിഷ്യത്തും ലളിതമായ കോഴിക്കോടന് ശൈലിയില് ആര്ക്കും പറഞ്ഞുകൊടുക്കും.
സര്വകലാശാല പി ആര് ഒ ആയിരുന്നപ്പോള് ലൈവ് പ്രക്ഷേപണത്തിനു പോകും മുമ്പ് വിവരങ്ങളുടെ ഉറപ്പ് ഞാന് തേടിയതും കുറുപ്പില് നിന്നുതന്നെ.
ക്ലാസ് ഫോര് ജീവനക്കരനായി തുടങ്ങി, അസിസ്റ്റന്റാവും മുമ്പേ അന്വേഷണ കൗണ്ടറിലെത്തി, പിരിയുംവരെ സന്ദര്ശകര്ക്ക് പ്രിയപ്പെട്ടവനായി തുടര്ന്നയാള്. പ്രകൃതിജീവനത്തിലും ഗാന്ധി സംഘടനകളിലും തല്പരന്.
അദ്ദേഹം വിരമിക്കുന്നതിനുമുമ്പുതന്നെ അടുത്ത ടീമിനെ സജ്ജമാക്കാന് സാധിച്ചു. ബിരുദമില്ലാത്ത ആ മുതിര്ന്നയാളെക്കണ്ട് ബിരുദധാരികളായ സഹപ്രവര്ത്തകര് ജനസമ്പര്ക്കപാഠങ്ങള് പഠിച്ച് , കൗണ്ടര് കൈകാര്യം ചെയ്യാനുള്ള പ്രാപ്തി നേടിയിരുന്നു.
ആയിരക്കണക്കിന് വിദ്യാര്ത്ഥികളുടെ മനസ്സില് ഇടം പിടിച്ച ശ്രീ കുറുപ്പിന്റെ നിര്യാണം തികച്ചും ദു:ഖകരമാണ്.
ആദരാഞ്ജലി.
https://www.facebook.com/Malayalivartha
