മുതലപ്പൊഴിയില്‍ വീണ്ടും അപകടം.... കടല്‍തിരയില്‍പ്പെട്ട് മത്സ്യബന്ധന വള്ളം മറിഞ്ഞ് ഒരാള്‍ക്ക് പരുക്ക്. ഇന്ന് രാവിലെ ഏഴിനാണ് അപകടം നടന്നത്.

അഞ്ചുതെങ്ങ് സ്വദേശി സിംസന്റെ വള്ളമാണ് അപകടത്തില്‍പ്പെട്ടുപോയത്. കടല്‍തിരയില്‍പ്പെട്ട് വള്ളം മറിയുകയായിരുന്നു. വള്ളത്തിലുണ്ടായിരുന്ന അഞ്ചുതെങ്ങ് വാക്കാംകുളം സ്വദേശി ഫ്രാങ്ക്‌ളിന്‍ (45) ന് പരിക്കേറ്റു.

വള്ളത്തിലുണ്ടായിരുന്നവര്‍ കടലില്‍ വീഴുകയായിരുന്നു. എല്ലാവരും നീന്തി കരയ്ക്ക് കയറി. ഫ്രാങ്ക്‌ളിനെ ചിറയിന്‍കീഴ് താലൂക്കാശുപത്രിയില്‍ പ്രവേശിപ്പിച്ചു.

ശനിയാഴ്ച രാവിലെയും ഇവിടെ വള്ളം മറിഞ്ഞിട്ടുണ്ടായിരുന്നു. വള്ളത്തിലുണ്ടായിരുന്ന സുജിന്‍, ബിനു, വിനോദ്, ക്രിസ്തുദാസ്, ബേബി, ജിതിന്‍ബാബു, ജിത്ത്ബാബു എന്നിവരെയാണ് അന്ന് രക്ഷപ്പെടുത്തിയിരുന്നത്.