ഐജി ലക്ഷമണ് തൊടുത്ത ശരം കൂരമ്പാകുന്നു;മുഖ്യമന്ത്രിയുടെ ഓഫീസ് സംശയ നിഴലില്,പ്രതിപക്ഷം എടുത്തിട്ട് കുടയുന്നു,സര്ക്കാരും സിപിഎമ്മും ഉത്തരംമുട്ടി നില്ക്കുന്നു,ആരോപണങ്ങള്ക്കൊന്നും മറുപടി പറയാതെ മാളത്തിലൊളിച്ച് മുഖ്യമന്ത്രി
മുഖ്യമന്ത്രി പിണറായി വിജയന് കണ്ടകശനി തുടങ്ങി. ഐജി ലക്ഷമണ് തൊടുത്തുവിട്ടത് ചില്ലറ പണിയല്ല. മുഖ്യമന്ത്രിയുടെ ഓഫീസ് ഉപജാപക സംഘത്തിന്റെ കൈകളിലെന്ന ഗുരുതര ആരോപണം സിപിഎമ്മിനേയും പ്രതിരോധത്തിലാക്കുന്നു. സ്വപ്ന വിവാദം വന്നതിന് പിന്നാലെ പ്രതിപക്ഷം ഉയര്ത്തിയ വലിയ ആരോപണം കൊള്ളസങ്കേതം പോലെയാണ് മുഖ്യമന്ത്രിയുടെ ഓഫീസ്. ഇപ്പോള് ഐജി ലക്ഷമണയും മുഖ്യമന്ത്രിയുടെ ഓഫീസിന് നേരെ വിരല് ചൂണ്ടിയതോടെ പ്രതിഷേധം കനക്കുന്നു.
ഒന്നാംപിണറായി സര്ക്കാരിന്റെ കാലംമുതല് എല്ലാ വിവാദങ്ങളിലും ഉള്പ്പെട്ടിട്ടുണ്ട് മുഖ്യമന്ത്രിയുടെ ഓഫീസ്. നയതന്ത്ര ബാഗേജ് വിട്ടു കിട്ടാന് മുഖ്യമന്ത്രിയുടെ ഓഫീസില് നിന്ന് കോള് പോയി എന്ന ആരോപണം ചില്ലറ പുകിലല്ല ഉണ്ടാക്കിയത്. സ്വപ്ന മുഖ്യമന്ത്രിയുടെ ഓഫീസില് കയറി ഇറങ്ങി തുടങ്ങി വന് വിവാദത്തിന് തിരികൊളുത്തിയ സംഭവം. അതിന്നും കെട്ടടങ്ങിയിട്ടില്ല. പിന്നാലെ മോണ്സണ് മാവുങ്കല് കേസ് ഇപ്പോള് സര്ക്കാരിന് കീറാമുട്ടിയാകുന്നു. പോലീസ് ഉന്നതന്മാരൊക്കെ മാവുങ്കലുമായ് ബന്ധമുള്ളവര്. മുന് പോലീസ് മേധാവി തന്നെ മാവുങ്കലിന്റെ സിംഹാസനത്തില് ചെങ്കോലും പിടിച്ചിരുന്ന ഐറ്റം. തീര്ന്നില്ല മനോജ് എബ്രഹാം ഐജി ലക്ഷമണ് തുടങ്ങി പലരേയും മാവുങ്കല് ചെങ്കോലും പിടിച്ചിരുത്തിയിട്ടുണ്ട്. ഇഹ്ങനെ ആരോപണ വിധേയരായ ഉന്നത പോലീസ് ഉദ്യോഗസ്ഥരെയൊക്കെ സേഫാക്കിയാണ് കെപിസിസി പ്രസിഡന്റ് കെ സുധാകരനെ കുരുക്കാന് സര്ക്കാര് കേസിട്ടത്. ഏതായാലും പ്രതിപക്ഷത്തിന് വജ്രായുധം തന്നെ കൈയ്യില്ക്കിട്ടി.
ചുമ്മാതല്ല ഇവിടെ ഭരണം പിണറായി വിജയനല്ല എന്ന് മലയാളികള് പരിഹസിക്കുന്നത്. മുഖ്യനെ കസേരയിലിരുത്തി ആരൊക്കെയോ കയറി ഇറങ്ങി ഭരിക്കുന്നു. മുഖ്യമന്ത്രിയെ നിയന്ത്രിക്കുന്ന ഒരു സംഘം ഉണ്ട്. അവര് പറയും മുഖ്യമന്ത്രി അനുസരിക്കും. മന്ത്രിമാര്ക്ക് പോലും മുഖ്യമന്ത്രിയുടെ ഓഫീസില് സ്വാതന്ത്ര്യമില്ല പക്ഷെ മറ്റൊരു കൂട്ടര്ക്ക് സര്വ്വ സ്വാതന്ത്ര്യം ആണ്. അനുവാദം പോലും ചോദിക്കാതെ കടന്നുവരാന് തക്ക സ്വാതന്ത്ര്യം ഉള്ളവര്. പ്രതിപക്ഷത്തേയും മാധ്യമങ്ങളേയും ജനങ്ങളേയും എല്ലാം അകറ്റി നിര്ത്തി അതിനുള്ളില് എന്താണ് ഇവര് കാണിച്ച് കൂട്ടുന്നത്. പിണറായി വിജയന് അധികാരത്തില് വന്നതിന് ശേഷമാണ് സെക്രട്ടേറിയറ്റില് ഇത്രയും മാറ്റങ്ങള്. മുന്പൊരു മുഖ്യമന്ത്രി ഇവിടെ ഭരിച്ചിരുന്നു പേര് ഉമ്മന് ചാണ്ടി. സ്വന്തം ഓഫീസില് വെബ് ക്യമാറ സെറ്റ് ചെയ്ത് തന്റെ ഓഫീസ് പ്രവര്ത്തനങ്ങളെ മലയാളികള്ക്ക് കാണിച്ച് കൊടുത്ത നേതാവ്. ഇപ്പോഴുള്ളത് സ്വന്തം ഓഫീസ് ഒരു അധോലോകം പോലെ മാറ്റിയിരിക്കുന്നുവെന്നാണ് ട്രോള് വരുന്നത്. ഏതായാലും ഐജി ലക്ഷമണിന്റെ ആരോപണത്തില് പിണറായി കുറച്ച് വെള്ളം കുടിയ്ക്കും.
https://www.facebook.com/Malayalivartha
