മൂന്നാറില് വീണ്ടും കയ്യേറ്റം ഒഴിപ്പിക്കല് നടപടി തുടങ്ങി....ആനയിറങ്കല്- ചിന്നക്കനാല് മേഖലയില് സര്ക്കാര് ഭൂമി കയ്യേറി ഏലക്കൃഷി നടത്തിയതാണ് ഒഴിപ്പിക്കുന്നത്
19 OCTOBER 2023 02:14 PM IST
മലയാളി വാര്ത്ത
മൂന്നാറില് വീണ്ടും കയ്യേറ്റം ഒഴിപ്പിക്കല് നടപടി തുടങ്ങി. ആനയിറങ്കല്- ചിന്നക്കനാല് മേഖലയില് സര്ക്കാര് ഭൂമി കയ്യേറി ഏലക്കൃഷി നടത്തിയതാണ് ഒഴിപ്പിക്കുന്നത്. ചിന്നക്കനാലില് അഞ്ച് ഏക്കര് കയ്യേറ്റ ഭൂമി ഒഴിപ്പിച്ചു. തഹസില്ദാറുടെ നേതൃത്വത്തിലെത്തിയ സംഘം അതിരാവിലെയാണ് ഒഴിപ്പിക്കല് നടപടിയാരംഭിച്ചത്.
ജില്ലാ കളക്ടര് കോടതിയില് നല്കിയ റിപ്പോര്ട്ടില് ഉള്പ്പെട്ട സ്ഥലത്തെ ഏലത്തോട്ടമാണ് ഒഴിപ്പിച്ചത്. പ്രദേശത്തെ കെട്ടിടങ്ങള് സീല് ചെയ്യുകയും ഒഴിപ്പിച്ച സ്ഥലത്ത് സര്ക്കാര് ഭൂമിയെന്ന ബോര്ഡ് സ്ഥാപിക്കുകയും ചെയ്തു.
ഇതിനിടെ, കയ്യേറ്റം ഒഴിപ്പിക്കലിനെതിരെ നാട്ടുകാര് പ്രതിഷേധവുമായി രംഗത്തെത്തുകയും ചെയ്തു. ചെറുകിട കുടിയേറ്റക്കാര്ക്കും ഉദ്യോഗസ്ഥര് നോട്ടീസ് നല്കിയെന്ന് നാട്ടുകാര് പരാതിപ്പെടുകയാണ്.
"
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
