മലയാളി വിദ്യാര്ത്ഥികള്ക്ക് നേരെ പൊലീസിന്റെ അതിക്രമത്തില് ഉന്നതതല അന്വേഷണം ആവശ്യപ്പെട്ട് മുഖ്യമന്ത്രി
മലയാളി വിദ്യാര്ഥികള്ക്ക് പൊലീസിന്റെ ക്രൂരമര്ദ്ദനമേറ്റ സംഭവത്തില് ഉന്നതതല അന്വേഷണം ആവശ്യപ്പെട്ട് അമിത് ഷാക്ക് മുഖ്യമന്ത്രി കത്തയച്ചു. ന്യൂഡല്ഹിയില് വിദ്യാര്ത്ഥികള്ക്ക് മര്ദ്ദനമേറ്റ വാര്ത്തയെ തുടര്ന്നാണ് മുഖ്യമന്ത്രിയുടെ ഇടപെടല്. ഐ.ഡി. അശ്വന്ത്, കെ. സുധിന് എന്നിവരെയാണ് ചില പോലീസ് ഉദ്യോഗസ്ഥര് ക്രൂരമായി ആക്രമിച്ചത്. കുറ്റക്കാരെന്ന് കണ്ടെത്തിയാല് പ്രസ്തുത പോലീസ് ഉദ്യോഗസ്ഥര്ക്കെതിരെ കര്ശന നടപടി സ്വീകരിക്കണം. സംഭവത്തില് അതിയായ ദുഃഖമുണ്ടെന്നും മുഖ്യമന്ത്രി കത്തില് ആവശ്യപ്പെട്ടു.
ഹിന്ദിയില് സംസാരിക്കാന് അവരെ നിര്ബന്ധിച്ചു എന്നാണ് റിപ്പോര്ട്ടുകള്. 2025 സെപ്റ്റംബര് 24 നാണ് സംഭവം നടന്നതെന്ന് മാധ്യമ റിപ്പോര്ട്ടുകള് പറയുന്നു. ഭാഷയും സംസ്കാരവും ആതിഥേയ സംസ്ഥാനങ്ങളിലെ ജനങ്ങള് ബഹുമാനിക്കേണ്ടതുണ്ട്. നിയമപാലക ഏജന്സിയിലെ ചില ഉദ്യോഗസ്ഥരുടെ മോശം പെരുമാറ്റം അങ്ങേയറ്റം പ്രതിഷേധാര്ഹമാണ്. ഈ വിഷയം ഗൗരവമായി പരിശോധിച്ച് നിഷ്പക്ഷമായ അന്വേഷണം വേണമെന്നും മുഖ്യമന്ത്രി കത്തിലൂടെ ആവശ്യപ്പെട്ടു.
സാമൂഹിക വിരുദ്ധരില് നിന്നും അത്തരം മോശം പെരുമാറ്റങ്ങളില് നിന്നും ആളുകളെ സംരക്ഷിക്കേണ്ടത് പൊലീസിനെപ്പോലുള്ള നിയമപാലക ഏജന്സികളുടെ ഉത്തരവാദിത്തമാണ്. പൊലീസ് തന്നെ ഇത്തരം പ്രവൃത്തികള് ചെയ്താല്, പഠനത്തിനും ഉപജീവനത്തിനുമായി വിവിധ സംസ്ഥാനങ്ങളിലേക്ക് കുടിയേറുന്ന വിദ്യാര്ത്ഥികളെയും ആളുകളെയും ഉപദ്രവിക്കാന് മറ്റ് കുറ്റവാളികളെ പ്രേരിപ്പിക്കും. ഈ വിഷയം ഗൗരവമായി പരിശോധിച്ച് നിഷ്പക്ഷമായ അന്വേഷണം നടത്താന് തയ്യാറാവണമെന്നും മുഖ്യമന്ത്രി കത്തിലൂടെ ആവശ്യപ്പെട്ടു.
https://www.facebook.com/Malayalivartha
