പിണറായിയും അച്യുതാനന്ദനും കമ്മ്യൂണിസ്റ്റുകാരാണെങ്കിലും തിങ്കളാഴ്ച നാമനിര്‍ദ്ദേശ പത്രികകള്‍ സമര്‍പ്പിച്ചത് ജ്യോതിഷവിധി അനുസരിച്ച്. അനിഴം നാളായ തിങ്കളാഴ്ച കര്‍ക്കിടക രാശിയില്‍ പത്രിക നല്‍കുന്നത് ശുഭോദര്‍ക്കമാണെന്ന് ജ്യോതിഷികള്‍ പ്രവചിച്ചിരുന്നു. ഉച്ചയ്ക്ക് 12 മുതല്‍ ഒന്നരവരെയായിരുന്നു കര്‍ക്കിടകരാശി. എല്ലാ ഗ്രഹങ്ങളും അനുകൂലമായി നില്‍ക്കുന്ന സമയമായിരുന്നു ഇത്. നിരീശ്വരവാദികളായ സി.പി.എമ്മുകാര്‍ സ്വയം സമയം നോക്കിയില്ലെങ്കിലും നാമനിര്‍ദ്ദേശപത്രിക നല്‍കാനുള്ള സമയം ബന്ധുക്കള്‍ ജ്യോതിഷികളില്‍ നിന്നും കുറിച്ചുവാങ്ങിയിരുന്നു. ദിവസത്തിന്റെ മേ•യോടൊപ്പം ഓരോരുത്തരുടെയും ജാതകങ്ങളും ജ്യോത്സ്യന്‍മാര്‍ പരിശോധിച്ചിരുന്നു.
അതേസമയം പത്രിക സമര്‍പ്പിക്കാന്‍ സമയം കുറിച്ചത് പാര്‍ട്ടിയാണെന്നാണ് നേതാക്കള്‍ പറയുന്നത്. തങ്ങളോട് പത്രിക നല്‍കാന്‍ നിര്‍ദ്ദേശിക്കും. നല്‍കും. അതിലപ്പുറം യാതൊന്നും അറിയില്ലെന്നും നിരീശ്വരവാദികളായ സി.പി.എം. നേതാക്കള്‍ പറയുന്നു. എന്നാല്‍ അനിഴം നക്ഷത്രത്തില്‍ കര്‍ക്കിടകരാശി വരുന്ന സമയത്ത് പത്രിക നല്‍കിയതെന്തിനാണെന്ന് നേതാക്കള്‍ക്ക് മിണ്ടാട്ടമില്ല.
കോടിയേരി ബാലകൃഷ്ണന്‍ ഈശ്വരവിശ്വാസിയല്ലെന്നാണ് പറയപ്പെടുന്നതെങ്കിലും അദ്ദേഹത്തിന്റെ മക്കളും ഭാര്യയും ദൈവവിശ്വാസികളാണ്. അദ്ദേഹം മന്ത്രിയായിരിക്കെ ഇവര്‍ കാടാമ്പുഴയില്‍ പൂമൂടല്‍ നടത്തിയത് വിവാദമായിരുന്നു. ഇപ്പോള്‍ പാര്‍ട്ടി സെക്രട്ടറിയായ കോടിയേരിയാണോ ഇതിനു പിന്നിലെന്നും സംശയമുണ്ട്.
എട്ടുദിവസമാണ് പത്രിക നല്‍കാന്‍ അവസരമുള്ളത്. ഇതില്‍ ഏറ്റവും ഉത്തമം തിങ്കളാഴ്ചയായിരുന്നു. അടുത്ത ദിവസം വരുന്ന വെള്ളിയാഴ്ചയാണെന്നും ജ്യോതിഷികള്‍ പറയുന്നു.
എ.കെ.ജി. സെന്ററില്‍ ആസ്ഥാനജേ്യാത്സ്യനെ നിയമിച്ചിട്ടുണ്ടോ? എന്ന് വ്യക്തമല്ല. നേതാക്കള്‍ക്ക് വിശ്വാസമില്ലെങ്കിലും അവരുടെ ഭാര്യയും ബന്ധുക്കളും ഭര്‍ത്താക്കന്‍മാരുടെ ഉന്നത വിജയത്തിനായി വ്രതം നോക്കുകയാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha