നിയുക്ത രാജ്യസഭാംഗം സുരേഷ് ഗോപി ഡല്‍ഹിയിലെത്തി. സത്യപ്രതിഞ്ജയ്ക്ക് മുന്നോടിയായാണ് സുരേഷ് ഗോപി രാജ്യതലസ്ഥാനത്ത് എത്തിയത്. പാര്‍ലമെന്റിന്റെ പടിക്കെട്ടില്‍ കൈ തൊട്ട് വന്ദിച്ച ശേഷമാണ് ഡല്‍ഹിയില്‍ എത്തിയ സുരേഷ് ഗോപി പാര്‍ലമെന്റിലേക്ക് കയറിയത്. ലോകസഭാ തെരഞ്ഞെടുപ്പില്‍ വിജയിച്ച് ആദ്യമായി പാര്‍ലമെന്റില്‍ പ്രവേശിച്ച പ്രധാനമന്ത്രി നരേന്ദ്ര മോഡിയും ഇപ്രകാരമാണ് ചെയ്തത്.കൈതൊട്ട് വന്ദിച്ച ശേഷം പാര്‍ലമെന്റില്‍ പ്രവേശിച്ച സുരേഷ് ഗോപി തിരികെ വന്ന് മാധ്യമങ്ങളോട് പ്രതികരിച്ചു. അതേസമയം രാഷ്ട്രപതി നോമിനേറ്റ് ചെയ്ത അംഗമായി രാജ്യസഭയില്‍ എത്തിയ സുരേഷ് ഗോപിയെ സ്വീകരിക്കാന്‍ ബി.ജെ.പി നേതാക്കള്‍ എത്താതിരുന്നത് ശ്രദ്ധേയമായി. കോണ്‍ഗ്രസ് നേതാവും മുന്‍ കേന്ദ്രമന്ത്രിയുമായ വയലാര്‍ രവിയാണ് സുരേഷ് ഗോപിയെ രാജ്യസഭയിലേക്ക് സ്വീകരിച്ചത്.രാജ്യസഭാ ഉപാധക്ഷ്യന്‍ പി.ജെ കുര്യനും താരത്തെ സ്വീകരിക്കാനെത്തി. കെ. കരുണാകരനും ഒ. രാജഗോപാലുമാണ് തന്റെ റോള്‍ മോഡലെന്ന് സുരേഷ് ഗോപി പറഞ്ഞു. ഇന്ദിരാ ഗാന്ധിയുടെ കാലത്തെ കെ. കരുണാകരന്റെ പ്രവര്‍ത്തനങ്ങളും മന്ത്രിയായിരുന്നപ്പോഴത്തെ ഒ. രാജഗോപാലിന്റെ പ്രവര്‍ത്തനങ്ങളുമാണ് തനിക്ക് മാതൃകയെന്ന് നടന്‍ സുരേഷ് ഗോപി. വോട്ടുതേടി എംപിയാകുമ്പോള്‍ മാതൃകാ രാഷ്ട്രീയ പ്രവര്‍ത്തനം എന്തെന്ന് തെളിയിക്കും. എന്‍എഫ്ഡിസി അധ്യക്ഷ സ്ഥാനം നഷ്ടപ്പെട്ടപ്പോഴുണ്ടായ അവഹേളനങ്ങള്‍ മിണ്ടാതെ സഹിച്ചു. നോമിനേറ്റഡ് എംപിയായി പ്രവര്‍ത്തിച്ചു തെളിയിക്കും. ഇതിനു മുകളിലേക്കുള്ള സ്ഥാനങ്ങളെക്കുറിച്ച് ഇപ്പോള്‍ ചിന്തിക്കുന്നില്ലെന്നും സുരേഷ് ഗോപി പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha