FIR ഞാൻ വന്ന് ഇടണോ..? പ്രോസിക്യൂഷനെ പൊട്ടിച്ച് കോടതി! പിണറായി വേദിയിൽ കിടന്ന് മിഴിക്കുന്നു; കൂക്കിവിളിച്ച് പാർട്ടിക്കാർ
രാഷ്ട്രീയ കേരളം ഉറ്റുനോക്കുന്ന സി.എം.ആര്.എല് - എക്സാലോജിക് സാമ്പത്തിക ഇടപാടില് ഹൈക്കോടതിയില് നിന്ന് സര്ക്കാരിന് നേരെ ഉയര്ന്നത് ചോദ്യങ്ങള്. മുന് മുഖ്യമന്ത്രി പിണറായി വിജയന്, മകള് വീണ വിജയന്, മുന് മന്ത്രി പി.എ. മുഹമ്മദ് റിയാസ് എന്നിവര്ക്കെതിരെ ഗുരുതര ആരോപണങ്ങള് ഉയര്ന്നിട്ടും എന്തുകൊണ്ട് എഫ്.ഐ.ആര് രജിസ്റ്റര് ചെയ്ത് അന്വേഷണം നടത്തിയില്ലെന്ന് ഹൈക്കോടതി സര്ക്കാരിനോട് നേരിട്ട് ചോദിച്ചു.
കുറ്റകൃത്യങ്ങളെക്കുറിച്ചുള്ള വിവരങ്ങള് ലഭിച്ചാല് എഫ്.ഐ.ആര് നിര്ബന്ധമായും രജിസ്റ്റര് ചെയ്യണമെന്നാണ് പ്രശസ്തമായ ലളിതകുമാരി കേസില് സുപ്രീം കോടതിയുടെ വ്യക്തമായ ഉത്തരവെന്നും ബെഞ്ച് ഓര്മ്മിപ്പിച്ചു. കേസിലെ നിര്ണ്ണായക വഴിത്തിരിവായി എന്ഫോഴ്സ്മെന്റ് ഡയറക്ടറേറ്റിന്റെ (ഇ.ഡി) പക്കലുള്ള അന്വേഷണ കണ്ടെത്തലുകളും രേഖകളും സീല് ചെയ്ത കവറില് ഹാജരാക്കാന് കോടതി നിര്ദ്ദേശം നല്കി. ഈ മാസം 29-ാം തീയതി (ചൊവ്വാഴ്ച) കേസ് വീണ്ടും പരിഗണിക്കുമ്പോള് ഇ.ഡി സമര്പ്പിക്കുന്ന സീല് ചെയ്ത കവറിലെ തെളിവുകള് ഹൈക്കോടതി നേരിട്ട് പരിശോധിക്കും. ഈ പരിശോധന കേസിന്റെ ഭാവിയിലും മുഖ്യമന്ത്രി പിണറായി വിജയന്റെ രാഷ്ട്രീയ ജീവിതത്തിലും അത്യന്തം നിര്ണ്ണായകമാകും.
നേരത്തെ സമാന ആവശ്യങ്ങളുന്നയിച്ചുള്ള ഹര്ജികള് ഹൈക്കോടതി തള്ളിയിരുന്നു എന്ന വാദമാണ് സര്ക്കാരിനുവേണ്ടി ഹാജരായ അഡ്വക്കേറ്റ് ജനറല് കോടതിയില് ഉയര്ത്തിയത്. എന്നാല് ഈ വാദത്തെ കോടതി തള്ളിക്കളഞ്ഞു. മുന്പ് ഹര്ജികള് തള്ളിയ സമയത്ത് ലഭ്യമാകാതിരുന്ന കൂടുതല് ശക്തമായ തെളിവുകളും വിവരങ്ങളും ഇപ്പോള് അന്വേഷണ ഏജന്സികളിലൂടെ പുറത്തുവന്നിട്ടുണ്ടെന്ന് ബെഞ്ച് എടുത്തുപറഞ്ഞു. പുതിയ തെളിവുകളുടെ അടിസ്ഥാനത്തില് അന്വേഷണം ആവശ്യപ്പെടുന്നത് ന്യായമാണെന്ന നിരീക്ഷണമാണ് കോടതി നടത്തിയത്.
അന്വേഷണത്തിലൂടെ ലഭിച്ച സാമ്പത്തിക ക്രമക്കേടുകളുടെയും ബാങ്ക് ഇടപാടുകളുടെയും വിവരങ്ങള് സംസ്ഥാന പോലീസ് മേധാവിക്ക് കൃത്യമായി കൈമാറിയിട്ടുണ്ടെന്ന് ഇ.ഡി വാദിച്ചു. പ്രാഥമിക അന്വേഷണം നടത്തി സമയം വൈകിപ്പിക്കാതെ ഉടനടി എഫ്.ഐ.ആര് രജിസ്റ്റര് ചെയ്യാന് വിജിലന്സിനോടും പോലീസിനോടും നിര്ദ്ദേശിക്കണമെന്ന് ഇ.ഡി ആവശ്യപ്പെട്ടു. എന്നാല് കേസിന്റെ സ്വഭാവം കണക്കിലെടുത്ത് പ്രാഥമിക പരിശോധന നടത്താന് അവകാശമുണ്ടെന്നാണ് സര്ക്കാര് പ്രതിരോധിച്ചത്.
ഈ മാസം 29-ാം തീയതി ചൊവ്വാഴ്ച കേസ് വീണ്ടും പരിഗണിക്കുമ്പോള് ഇ.ഡി സമര്പ്പിക്കുന്ന സീല് ചെയ്ത കവറിലെ രേഖകള് അടിസ്ഥാനമാക്കി കോടതി എഫ്.ഐ.ആര് രജിസ്റ്റര് ചെയ്യാന് ഉത്തരവിട്ടാല് അത് സിപിഎമ്മിനും പ്രതിപക്ഷത്തിനും കനത്ത പ്രഹരമാകും. മുന് മുഖ്യമന്ത്രിയുടെയും കുടുംബത്തിന്റെയും രാഷ്ട്രീയ ഭാവി തന്നെ നിര്ണ്ണയിക്കുന്ന ഉത്തരവാകും ഹൈക്കോടതിയില് നിന്ന് വരാനിരിക്കുന്നത്. ഹൈക്കോടതി നിലപാട് കടുപ്പിച്ചതോടെ ആഭ്യന്തര വകുപ്പും വിജിലന്സും അടിയന്തര നിയമോപദേശം തേടുകയാണ്.
ചൊവ്വാഴ്ചത്തെ വിധിയില് കേസ് രജിസ്റ്റര് ചെയ്യാന് നിര്ദ്ദേശമുണ്ടായാല് ഉണ്ടാകാവുന്ന രാഷ്ട്രീയ കൊടുങ്കാറ്റിനെ നേരിടാനുള്ള മുന്കരുതലുകളിലാണ് സിപിഎം. മുഴുവന് കേരളീയരും ഉറ്റുനോക്കുന്ന ആ നിര്ണ്ണായക വിധിക്ക് ഏറെ രാഷ്ട്രീയ പ്രാധാന്യവും ഉണ്ടാകും.
https://www.facebook.com/Malayalivartha
