ഉന്നത വിദ്യാഭ്യാസ മേഖലയിൽ സമഗ്രമായ മാറ്റങ്ങൾ അനിവാര്യമെന്ന് മന്ത്രി റോജി.എം.ജോൺ. സ്വയം ഭരണ കോളേജുകൾക്ക് സ്വാശ്രയ മോഡൽ പുതിയ കോഴ്സുകൾ തുടങ്ങുമ്പോൾ സർക്കാർ അനുമതി വേണം എന്നത് കേരളത്തിൽ മാത്രം ഉള്ള നിയമമെന്നും ഇത് "സ്വയംഭരണം " എന്നാ തത്വം തന്നെ ഇല്ലാതാക്കുന്നതായും മന്ത്രി വ്യക്തമാക്കി.

വിദ്യാർത്ഥി സമൂഹം ആഗ്രഹിക്കുന്ന തരത്തിലുള്ള കോഴ്സുകൾ ആരംഭിക്കാൻ സർക്കാർ അനുമതി വേണം എന്ന നിയമം കാലതാമസം ഉണ്ടാകുന്നു എന്ന് പരാതികൾ ഉണ്ടായിരുന്നു. ഇത് മുന്നിൽ കണ്ടാണ് വലിയ മാറ്റത്തിന് വഴി വെക്കുന്ന തീരുമാനമെന്നും മന്ത്രി വ്യക്തമാക്കി.

ഓട്ടോണമസ് കോളേജുകൾ കോഴ്സുകൾ ആരംഭിക്കുമ്പോൾ അതാത് സർവ്വകലാശാലയുടെ അനുമതിക്ക് പുറമേ സർക്കാർ അനുമതി നൽകേണ്ട ആവശ്യത്തിന് പ്രസക്തിയില്ല.ഓട്ടോണമി പദവി വെറുതെ നൽകുന്നത് അല്ല. അക്കാദമിക് രംഗത്ത് ‘മികവുള്ള കോളേജുകൾക്ക് മാത്രമാണ് സ്വയം ഭരണ അവകാശം നൽകുന്നത്.

ഓട്ടോണമസ് പദവി ലഭ്യമായാൽ മറ്റ് സംസ്ഥാനങ്ങളിൽ പുതിയ കോഴ്സ് തുടങ്ങാൻ സർക്കാർ അനുമതി വേണ്ട.കേരളത്തിൽ മാത്രമാണ് അങ്ങനെ ഒരു തീരുമാനം. കാലഘട്ടത്തിനനുസൃതമായി വിദ്യാർഥികളുടെ താത്പര്യത്തിനുതകുന്ന തൊഴിൽ അധിഷ്ഠിതമായ ന്യൂജൻ കോഴ്സുകൾ ആരംഭിക്കുന്നതിന് അക്കാഡമിക് ഓട്ടോണമി പ്രോത്സാഹിപ്പിക്കുക എന്ന ലക്ഷ്യത്തിന്റെ ഭാഗമാണ് ഗവൺമെന്റ് ഇത്തരം തീരുമാനമെടുത്ത് മുന്നോട്ടുപോകുന്നത്.