പയ്യന്നൂരിലെ രാഷ്ട്രീയ കൊലപാതകം: അക്രമം കണ്ടു സ്തംഭിച്ചു നിന്നിട്ടു കാര്യമില്ല, അക്രമിക്കാന് വരുന്നവരെ പ്രതിരോധിക്കണമെന്ന് കോടിയേരി
അക്രമിക്കാന് വരുന്നവരെ കണ്ട് സ്തംഭിച്ചു നില്ക്കാതെ തിരിച്ചു പ്രധിരോധിക്കണമെന്ന് സിപിഎം സംസ്ഥാനം സെക്രട്ടറി കോടിയേരി ബാലകൃഷ്ണന്. രണ്ടാഴ്ച മുന്പ് ആര്എസ്എസ്-സിപിഎം പ്രവര്ത്തകര് കൊല്ലപ്പെട്ട പയ്യന്നൂരില് സിപിഎം സംഘടിപ്പിച്ച ബഹുജനകൂട്ടായ്മയിലാണ് കോടിയേരിയുടെ പരസ്യമായ ആഹ്വാനം.
പയ്യന്നൂര് രാഷ്ട്രീയ കൊലപാതകക്കേസുകളില് പോലീസ് പ്രതികള്ക്കൊപ്പമാണെന്നു കോടിയേരി ബാലകൃഷ്ണന് പറഞ്ഞു. ഇക്കാര്യത്തില് തെറ്റു തിരുത്താന് പോലീസ് തയാറാകണമെന്നും കൊലപാതകം ആസൂത്രണം ചെയ്ത ആര്എസ്എസ്ബിജെപി നേതൃത്വത്തെ നിയമത്തിനു മുന്നിലെത്തിക്കണമെന്നും കോടിയേരി ആവശ്യപ്പെട്ടു.
'വീടുകള്ക്കും കടകള്ക്കും നേരെ അക്രമം പാടില്ല. എന്നാല് നമ്മളെ അക്രമിക്കാന് ആരു വരുന്നുവോ അവരോടു കണക്കു തീര്ക്കണം. വന്നാല് വന്നതു പോലെ തിരിച്ചുവിടില്ല എന്നു ഗ്രാമങ്ങള് തീരുമാനിക്കണം. അക്രമം കണ്ടു സ്തംഭിച്ചു നിന്നിട്ടു കാര്യമില്ല. പ്രതിരോധിക്കണം. വയലില് പണി തന്നാല് വരമ്ബത്തു കൂലി കിട്ടും. അതുകൊണ്ടു സിപിഎമ്മിനോട് കളിക്കണ്ട' കോടിയേരി പറഞ്ഞു. പാര്ട്ടിയിലെ യുവജനങ്ങള്ക്ക് കായിക പരിശീലനം നല്കണമെന്നും അദ്ദേഹം പറഞ്ഞു.
ധനരാജിനെ കൊലപ്പെടുത്തിയത് ബിജെപിആര്എസ്എസ് നേതാക്കളുടെ ആസൂത്രണത്തിന്റെയും ഗൂഡാലോചനയുടെയും ഫലമായാണ്. സംസ്ഥാനജില്ലാ നേതൃത്വം ആലോചിച്ച് നടത്തിയ കൊലപാതകമാണിത്. ഇതിനുമുമ്പ് മൂന്നുതവണ ധനരാജിനെ വകവരുത്താന് കൊലയാളിസംഘത്തെ അയച്ചു. കൊലക്കേസ് മുമ്പ് നടന്ന വധശ്രമക്കേസുകളോട് ചേര്ത്താണ് അന്വേഷിക്കേണ്ടത്. ഗൂഢാലോചനയും ആസൂത്രണവും നടത്തിയവരെയും നിയമത്തിനു മുന്നില് കൊണ്ടുവരണം.
ഉശിരന് പ്രവര്ത്തകനായിരുന്നു ധനരാജ്. യുഡിഎഫ് സര്ക്കാര് അകാരണമായി കാപ്പ പ്രയോഗിച്ച് ധനരാജിനെ ആറുമാസം വിയ്യൂര് ജയിലിലടച്ചു. ഇത് ബിജെപിയെ തൃപ്തിപ്പെടുത്താന് ചെയ്തതാണ്. എല്ഡിഎഫ് അധികാരത്തിലെത്തിയതോടെ ഇനിയും ധനരാജിനെ ജയിലിലടക്കാന് സാധിക്കില്ലെന്ന് തിരിച്ചറിഞ്ഞാണ് ആസൂത്രിതമായി കൊലപ്പെടുത്തിയത്. കുറ്റമറ്റ രീതിയില് അന്വേഷണം നടത്തി ധനരാജ് വധക്കേസിലെ പ്രതികളെ എത്രയും പെട്ടെന്ന് അറസ്റ്റ്ചെയ്യാന് പൊലീസ് തയ്യാറാകണമെന്നും കോടിയേരി പറഞ്ഞു.
https://www.facebook.com/Malayalivartha
