ചോദ്യങ്ങള്ക്ക് മറുപടി നല്കാതെ ഖുറേഷി; മെറിന്റെ സഹോദരനെ മുന്നിര്ത്തി എണ്ണിയെണ്ണി പറയിപ്പിക്കാന് പോലീസ്, ഖുറേഷിയും റിസ്വാനും കളമശ്ശേരിയിലെ രഹസ്യ കേന്ദ്രത്തില്
എബിന്റെ ചോദ്യങ്ങള്ക്കുമുന്നില് ഖുറേഷിയെ കുടുക്കാമെന്ന കണക്കുകൂട്ടലില് പോലീസ്. ഒപ്പം വിവാദ പഠനങ്ങള്ക്ക് വിശദീകരണം നല്കാനും ഖുറേഷി പാടുപെടും. സക്കീര് നയാക്കിന്റെ ഇസ്ലാമിക്ക് റിസേര്ച്ച് ഫൗണ്ടേഷനും സംശയനിഴലില്..
മലയാളികളെ ഇസ്ലാമിക് സ്റ്റേറ്റിലേക്ക് റിക്രൂട്ട് ചെയ്തെന്ന ആരോപണവുമായി ബന്ധപ്പെട്ട് മുംബൈയില് അറസ്റ്റിലായ അര്ഷിത് ഖുറേഷിയെയും റിസ് വാന്ഖാനെയും കൊച്ചിയിലെത്തിച്ചു. വന്സുരക്ഷയില് ഇരുവരുടെയും മുഖം മറച്ചാണ് നെടുമ്പാശേരി വിമാനത്താവളത്തില് എത്തിച്ചത്. കളമശേരി എ.ആര് ക്യാംപില് ഇവരെ ചോദ്യം ചെയ്യുന്നത് തുടങ്ങി.
കേരളത്തില് നിന്ന് കാണാതായവര് അര്ഷിത് ഖുറേഷിയുടെ മുംബൈയിലെ ഫഌറ്റില് താമസിച്ചിട്ടുണ്ടെന്നും ഇവര്ക്ക് ഖുറേഷി തീവ്രമതപഠനക്ലാസുകള് നല്കിയെന്നും പൊലീസിന് വിവരം ലഭിച്ചിട്ടുണ്ട്. കാണാതായവരെ ഭീകരസംഘടനയായ ഇസ്ലാമിക് സ്റ്റേറ്റിലേക്ക് റിക്രൂട്ട് ചെയ്തതാണോ എന്ന കാര്യത്തില് വ്യക്തത വരുത്താനാണ് പൊലീസിന്റെ ശ്രമം. കനത്തസുരക്ഷയില് നെടുമ്പാശേരി വിമാനത്താവളത്തിലെത്തിച്ച ഖുറേഷിയെയും സഹായി റിസ്വാന് ഖാനെയും കളമശേരി എ ആര് ക്യാമ്പിലാണ് ചോദ്യം ചെയ്യുന്നത്.
കൊച്ചിയില് നിന്ന് കാണാതായ മെറിന് എന്ന യുവതിയുടെ സഹോദരന് എബിന്റെ പരാതിയെ തുടര്ന്നാണ് കേരളാപൊലീസും മഹാരാഷ്ട്രാ ഭീകരവിരുദ്ധസേനയും ചേര്ന്ന് ഖുറേഷിയെ മുംബൈയില് നിന്ന് അറസ്റ്റ് ചെയ്തത്. ഇതിനു പിന്നാലെ ഖുറേഷിയുടെ സഹായി റിസ്വാന്ഖാനും പിടിയിലായി. മെറിന്റെ ഭര്ത്താവ് ബെസ്റ്റിന് എന്ന യഹിയയും ഖുറേഷിയും ചേര്ന്ന് മെറിനെ നിര്ബന്ധിത മതപരിവര്ത്തനം നടത്തിയെന്നും ഐഎസില് ചേരാന് പ്രേരിപ്പിച്ചുവെന്നുമാണ് പരാതി. ഇതേത്തുടര്ന്നാണ് യുഎപിഎ നിയമപ്രകാരം പൊലീസ് കേസെടുത്തത്. സാക്കിര്നായിക്കിന്റെ ഇസ്ലാമിക് റിസര്ച്ച് ഫൗണ്ടേഷനിലെ അംഗമാണ് അറസ്റ്റിലായ അര്ഷിത് ഖുറേഷി.
https://www.facebook.com/Malayalivartha
