ഉന്നതര്‍ പ്രകൃതിവിരുദ്ധ ലൈംഗിക ബന്ധത്തിനു പ്രേരിപ്പിച്ചിരുന്നു: സരിത എസ്. നായര്‍
സോളാര്‍ കേസിലെ പ്രതി സരിത എസ്. നായര്‍ മുന്‍ യു.ഡി.എഫ്. സര്‍ക്കാരിലെ പ്രമുഖര്‍ ഉള്‍പ്പെടെ 18 ഉന്നതര്‍ തന്നെ പീഡിപ്പിച്ചതായി മുഖ്യമന്ത്രി പിണറായി വിജയനു പരാതി നല്‍കി. പീഡകരുടെ പട്ടികയില്‍ രാഷ്ട്രീയക്കാരും പോലീസ് ഉന്നതരും മറ്റ് ഉദ്യോഗസ്ഥരുമുണ്ടെന്നും സരിത പറയുന്നു.
മുഖ്യമന്ത്രിക്കു നല്‍കിയ പരാതിയില്‍ ഉമ്മന്‍ ചാണ്ടി സര്‍ക്കാരിന്റെ കാലത്തു ഗൂഢാലോചനയടക്കം തന്റെ മേല്‍ ചുമത്തപ്പെട്ട കുറ്റങ്ങളെല്ലാം കെട്ടിച്ചമച്ചതാണെന്നും ഇതേപ്പറ്റി പുനരന്വേഷണം വേണമെന്നും സരിത ആവശ്യപ്പെടുന്നു. പുനരന്വേഷണത്തിനു പ്രത്യേകാന്വേഷണസംഘം രൂപീകരിക്കണം.
വിജിലന്‍സ് ഡയറക്ടര്‍ ജേക്കബ് തോമസോ എക്‌സൈസ് കമ്മിഷണര്‍ ഋഷിരാജ് സിങ്ങോ അന്വേഷണത്തിനു നേതൃത്വം നല്‍കണം. അല്ലെങ്കില്‍ അന്വേഷണം സി.ബി.ഐക്കു വിടണമെന്നും സരിത ആവശ്യപ്പെട്ടു. സോളാര്‍ പദ്ധതികള്‍ക്ക് അംഗീകാരം ലഭിക്കുന്നതിനുവേണ്ടി പലര്‍ക്കും വന്‍തുക നല്‍കേണ്ടിവന്നതിനൊപ്പം ശാരീരികമായി വഴങ്ങിക്കൊടുക്കേണ്ടിവന്നതായും സരിത പരാതിയില്‍ പറയുന്നു.
ആവശ്യങ്ങള്‍ നിറവേറ്റിയില്ലെങ്കില്‍ പദ്ധതിക്കു മനഃപ്പൂര്‍വം തടയിടുമെന്ന ഭീഷണിയും പലരും മുഴക്കി. പീഡിപ്പിച്ചവര്‍ക്കു പുറമേ ഫോണില്‍ അശഌലം കലര്‍ന്ന സംഭാഷണം നടത്തിയവരും പ്രകൃതിവിരുദ്ധ ലൈംഗിക ബന്ധത്തിനു പ്രേരിപ്പിച്ചവരുമുണ്ടായിരുന്നു.
സംസ്ഥാനത്തിനകത്തും പുറത്തുംവച്ച് പീഡിപ്പിക്കപ്പെട്ടിട്ടുണ്ട്. യു.ഡി.എഫ്. സര്‍ക്കാരില്‍നിന്നു നീതി ലഭിക്കില്ലെന്നു വ്യക്തമായതിനാലാണു സോളാര്‍ കമ്മിഷനില്‍ വസ്തുതകള്‍ തുറന്നുപറയാന്‍ തയാറായത്. സത്യം തെളിയണമെങ്കില്‍ പ്രത്യേകാന്വേഷണസംഘത്തിന്റെ തലവന്‍ വിജിലന്‍സ് ഡയറക്ടര്‍ ജേക്കബ് തോമസോ എക്‌സൈസ് കമ്മിഷണര്‍ ഋഷിരാജ് സിങ്ങോ ആയിരിക്കണമെന്നും സരിത പരാതിയില്‍ ആവശ്യപ്പെട്ടു.
https://www.facebook.com/Malayalivartha
