കെ.എസ്‌.ആര്‍ .ടി. സിയുടെ പുനരുദ്ധാരണ പാക്കേജിന്‌ സര്‍ക്കാര്‍ അംഗീകാരം നല്‍കി. 30 ശതമാനത്തോളം ജീവനക്കാരെ വെട്ടി കുറയ്‌ക്കാനാണ്‌ തീരുമാനം. ജീവനക്കാരാകട്ടെ കടുത്ത ആശങ്കയിലാണ്‌. 35,000 സ്ഥിരം ജീവനക്കാരും 9,801 താത്‌ക്കാലിക ജീവനക്കാരുമാണ്‌ ഇപ്പോള്‍ കെ.എസ്‌.ആര്‍. ടി.സിയില്‍ ഉള്ളത്‌ .
കണക്കുനോക്കുമ്പോള്‍ മൊത്തം ജീവനക്കാരുടെ 30 ശതമാനമായ 13,440 പേര്‍ക്ക്‌ തൊഴില്‍ നഷ്‌ടപ്പെടാനിടയുണ്ട്‌ . ഏകദേശം എല്ലാ താത്‌കാലിക ജീവനക്കാരെയും പിരിച്ചുവിടാനാണ്‌ തീരുമാനം. കൂടാതെ പെന്‍ഷന്‍ പ്രായമടുത്തിരിക്കുന്ന സ്ഥിര ജീവനക്കാര്‍ക്കെല്ലാം വി.ആര്‍ . എസ്‌ നല്‍കാനുമാണ്‌ നിശ്ചയിച്ചിരിക്കുന്നത്‌ . മെക്കാനിക്കല്‍ ജീവനക്കാരെയും വെട്ടികുറയ്‌ക്കാന്‍ ആലോചനയിലുണ്ട്‌ .
ജീവനക്കാരുടെ സംഘടനകളുമായി കോര്‍പ്പറേഷന്‍ ഒരു ചര്‍ച്ച പോലും നടത്താതെയാണ്‌ ഈ റിപ്പോര്‍ട്ടുകള്‍ തയ്യാറാക്കിയത്‌ .