അയല്‍വാസിയെ റെയില്‍വേ ട്രാക്കില്‍ വച്ച് വെട്ടി കൊലപ്പെടുത്തിയ കേസിലെ പ്രതിക്ക് ജീവപര്യന്തം കഠിന തടവും അഞ്ച് ലക്ഷം രൂപ പിഴയും ശിക്ഷ വിധിച്ചു. മുരുക്കുംപുഴ ചെറുകായല്‍ കര മാടന്‍കാവ് ക്ഷേത്രത്തിന് സമീപം പുത്തന്‍വീട്ടില്‍ പ്രഭാകരന്‍ മകന്‍ പ്രമോജിനെ (42) യാണ് ശിക്ഷിച്ചത്.


തിരുവനന്തപുരം ഏഴം അഡീഷണല്‍ സെഷന്‍സ് കോടതി ജഡ്ജി പ്രസൂണ്‍ മോഹന്റെ താണ്ഉത്തരവ്. പിഴ തുക മരിച്ച രാജുവിന്റ ഭാര്യയും കേസിലെ ഒന്നാം സാക്ഷിയും ആയ സതിക്ക് നല്‍കാനും കോടതി ഉത്തരവില്‍ പറയുന്നു.

2017 ഡിസംബര്‍ 31 നാണ് സംഭവം. പ്രതിയെ മുന്‍പ് ദേഹോപദവം ഏല്‍പ്പിച്ചതിന്റെ വിരോധം കാരണം അയല്‍ വാസി കൂടിയായ രാജുവിനെ റെയില്‍വേ ട്രാക്കിലിട്ട് വെട്ടി കൊലപ്പെടുത്തിയത് എന്നാണ് പോലീസ് കേസ്.

പ്രതി ഭാഗത്തിന്റെ ഡിഫന്‍സ് വാദം മരണപ്പെട്ട രാജു ട്രാക്കില്‍ മറിഞ്ഞ് വീണ് തല ഇടിച്ച് മരിച്ചു എന്നായിരുന്നു. എന്നാല്‍ ദൃക്‌സാക്ഷികളായ സതി, അബരീഷ് എന്നിവര്‍ പ്രതി രാജുവിനെ തലയില്‍ വെട്ടി പരിക്കേല്‍പ്പിക്കുന്നത് കണ്ടതായി കോടതിയില്‍ നല്‍കിയ മൊഴിയില്‍

പ്രതിയുടെ മരണം സംഭവിച്ചത് തലക്കേറ്റ മാരകമായ പരുക്കുകളാണ് എന്ന് ഫോറന്‍സിക് സര്‍ജന്‍ ഡോ.ഷാരിജ മൊഴി നല്‍കിയതും നിര്‍ണ്ണായകമായി .28 സാക്ഷികള്‍, 13 രേഖകള്‍, 7 തൊണ്ടിമുതലുകള്‍ എന്നിവ പ്രോസിക്യൂഷന്‍ ഹാജരാക്കി. മംഗലാപുരം പോലീസാണ് കുറ്റപത്രം കോടതിയില്‍ സമര്‍പ്പിച്ചത്. പ്രോസിക്യൂഷന് വേണ്ടി പബ്ലിക് പ്രോസിക്യൂട്ടര്‍ വേണി. കെ ഹാജരായി.