കണ്ണൂരില് 'അഫ്സ്പ' ഏര്പ്പെടുത്തണമെന്ന് ബി.ജെ.പി
കണ്ണൂര് ജില്ലയില് അഫ്സ്പ (സായുധസേന പ്രത്യേകാധികാര നിയമം) ഏര്പ്പെടുത്തണമെന്ന് ബി.ജെ.പി. ഇക്കാര്യം ആവശ്യപ്പെട്ട് ബി.ജെ.പി നേതാക്കള് ഗവര്ണറെ കണ്ടു. സംഭവത്തില് ഗവര്ണര് ഇടപെടണമെന്ന് ഒ. രാജഗോപാല് എം.എല്.എ ആവശ്യപ്പെട്ടു. കണ്ണൂരില് അക്രമങ്ങള് ആവര്ത്തിക്കില്ലെന്ന് സമാധാന ചര്ച്ചകളില് മുഖ്യമന്ത്രി ഉറപ്പു നല്കിയതാണ്. ഈ ഉറപ്പ് സി.പി.എം അട്ടിമറിച്ചു.
കണ്ണൂരിലെ പാര്ട്ടി പ്രവര്ത്തകര് മുഖ്യമന്ത്രിയുടെ വാക്കുകള് വകവെക്കുന്നില്ല. ഈ സാഹചര്യത്തില് അക്രമങ്ങള്ക്കു തടയിടാന് മണിപ്പൂരില് നടപ്പാക്കിയ അഫ്സ്പ ഏര്പ്പെടുത്താന് ഗവര്ണര് അധികാരമുപയോഗിക്കണമെന്നും രാജഗോപാല് അഭ്യര്ഥിച്ചു. കണ്ണൂരില് ബി.ജെ.പി പ്രവര്ത്തകരെ സി.പി.എമ്മുകാര് വള!ഞ്ഞിട്ട് ആക്രമിക്കുകയാണ്. സമാധാനപരമായി പ്രവര്ത്തിക്കാന് സാധിക്കാത്ത അവസ്ഥയാണ് കണ്ണൂരിലുള്ളത്.
ആര്.എസ്.എസ് പ്രവര്ത്തകന് നിഷ്ഠൂരമായി കൊല ചെയ്യപ്പെട്ട സംഭവത്തെ ഒറ്റപ്പെട്ടതായി കാണാനാകില്ല. പിണറായി സര്ക്കാര് അധികാരത്തിലെത്തിയ ശേഷം കണ്ണൂരില് 14 രാഷ്ട്രീയ കൊലപാതകങ്ങളുണ്ടായി. അതില് 13 തവണയും ജീവന് നഷ്ടമായത് ബി.ജെ.പി പ്രവര്ത്തകര്ക്കാണെന്നും രാജഗോപാല് ചൂണ്ടിക്കാട്ടി. വെള്ളിയാഴ്ച പയ്യന്നൂരില് ആര്.എസ്.എസ് കാര്യവാഹക് ചൂരിക്കാട്ട് ബിജു കൊല്ലപ്പെട്ടിരുന്നു. ഇതിനെ തുടര്ന്ന് കണ്ണൂരില് ബി.ജെ.പി പ്രഖ്യാപിച്ച ഹര്ത്താല് പുരോഗമിക്കുകയാണ്.
https://www.facebook.com/Malayalivartha
