50 പവനും ഒന്നേകാല് ലക്ഷവും ജിവനക്കാരി അടിച്ചുമാറ്റിയെന്ന ജുവലറി ഉടമയുടെ പരാതി അന്വേഷിച്ചപ്പോള് പുറത്തായത് മറ്റൊരു വീഡിയോ...
റാന്നി പൊലീസ് സ്റ്റേഷനിലാണ് ചോദ്യം ചെയ്യലിനിടെ കഥ മാറി മറിഞ്ഞത്. ഇട്ടിയപ്പാറ ടൗണിലെ ഒരു ജുവലറി ഉടമയായിരുന്നു പരാതിക്കാരന്. തന്റെ കടയില് നിന്ന് 50 പവനും ഒന്നേകാല് ലക്ഷം രൂപയും മോഷണം പോയെന്ന് കാട്ടിയാണ് പൊലീസ് സ്റ്റേഷനില് പരാതി നല്കിയത്. നിമിഷങ്ങള്ക്കകം കടയില് അടുത്ത സമയം വരെ ജോലി നോക്കിയിരുന്ന രണ്ടു ജീവനക്കാരികളെ പൊലീസ് പൊക്കി.
ഇവരാകാം മോഷ്ടിച്ചതെന്ന ഉടമയുടെ ഊഹം കണക്കിലെടുത്തായിരുന്നു ജീവനക്കാരികളെ പൊലീസ് കസ്റ്റഡിയില് എടുത്തത്. ജുവലറിയില് നടത്തിയിരുന്ന സ്വര്ണ ചിട്ടിയിലേക്ക് വരിക്കാര് നല്കിയ പണം അടയ്ക്കാതെ അടിച്ചു മാറ്റി തിരിമറി നടത്തിയെന്നായിരുന്നു പരാതി. പൊലീസിന്റെ വിരട്ടും ഉടമയുടെ പരാതിയുമൊന്നും ജീവനക്കാരികള് കൂസലില്ലാതെ നേരിട്ടു.
50 പവന് പലപ്പോഴായിട്ടാണ് നഷ്ടപ്പെട്ടത് എന്ന ഉടമയുടെ പരാമര്ശം പൊലീസ് ഗൗരവമായി എടുത്തതുമില്ല. ജീവനക്കാരികളെ അറസ്റ്റ് ചെയ്യുമെന്നും തെളിവുണ്ടെന്നുമൊക്കെ ഇന്നലെ ഉച്ച വരെ പൊലീസ് വിവരം നല്കിയിരുന്നു. വൈകുന്നേരമായപ്പോഴേക്കും കഥ മാറി. അങ്ങനെ ഒരു കേസ് തന്നെ ഇല്ലെന്നായി പൊലീസ്. കൂടുതല് അന്വേഷിച്ചപ്പോഴാണ് കേസ് ഒത്തു തീര്ന്നുവെന്നും പരാതി പിന്വലിച്ച ഉടമ കടന്നുവെന്നും അറിയുന്നത്.
ഉടമയും മകനുംമാറി മാറി തന്നെ ലൈംഗികചൂഷണം നടത്തിയെന്ന് ജീവനക്കാരികളില് ഒരാള് പൊലീസിനോട് പറഞ്ഞു. ഇതിനെതിരേ പരാതി നല്കുമെന്നും ദൃശ്യതെളിവുകള് തന്റെ കൈവശം ഉണ്ടെന്നും അറിയിച്ചു. ഇതു കടയിലെ മറ്റു ജീവനക്കാര് ശരിവച്ചുവെന്നും പറയുന്നു. ഇതോടെ ഉടമ പരാതിയും പിന്വലിച്ച് മുങ്ങൂകയായിരുന്നു.
https://www.facebook.com/Malayalivartha
