തോമസ് ചാണ്ടിക്കെതിരെ ത്വരിത പരിശോധന ഉത്തരവ് വന്നതോടെ സര്ക്കാരും പ്രതിരോധത്തിലായി; രാജി വയ്ക്കുന്നതിനു മുമ്പ് സ്വന്തക്കാരെ തിരുകി കയറ്റാന് ശ്രമം തുടങ്ങി
ലേക് പാലസ് റിസോര്ട്ടിലേക്ക് റോഡ് നിര്മ്മാണത്തിലെ അപാകത ചൂണ്ടിക്കാട്ടി സമര്പ്പിച്ച ഹര്ജിയില് മന്ത്രി തോമസ് ചാണ്ടിക്കൊതിരെ ത്വരിത പരിശോധനയ്ക്ക് കോട്ടയം വിജിലന്സ് കോടതിയുടെ ഉത്തരവ് വന്നതോടെ കാര്യങ്ങള് വേഗത്തിലാക്കി. രാജിയ്ക്കൊരുങ്ങുന്ന മന്ത്രി മുന്കരുതലുകള് എടുത്തു കഴിഞ്ഞു. ഗതാഗത മന്ത്രി സ്ഥാനം ഒഴിയേണ്ടിവന്നാല് അതിനു മുമ്പ് കെ എസ് ആര് റ്റി.സി യുടെ തന്ത്രപ്രധാന സ്ഥാനങ്ങളില് സ്വന്തം ആളുകളെ തിരുകി കയറ്റാന് മന്ത്രി തോമസ് ചാണ്ടി ശ്രമം തുടങ്ങി.
രണ്ട് ജനറല് മാനേജര്മാര്, രണ്ട് ഡപ്യൂട്ടി ജനറല് മാനേജര്മാര്, മൂന്ന് ചാര്ട്ടേഡ് അക്കൗണ്ടന്റുമാര്, കോസ്റ്റ് അക്കൗണ്ടന്റുമാര് എന്നിവരെയാണ് കരാര് അടിസ്ഥാനത്തില് നിയമിക്കുന്നത്. സ്ഥാപനത്തിന്റെ തലപ്പത്ത് പ്രഫഷണല് യോഗ്യതയുള്ളവരെ നിയമിക്കുന്നു എന്ന വ്യാജേനയാണ് അനധികൃതമായി നിയമനം തടത്താന് ഉദ്ദേശിക്കുന്നത്. ഒരു ജനറല് മാനേജരുടെയും വിവിധ വകുപ്പു തലവന്മാരുടെ തസ്തികയാണ് കെ എസ് ആര്റ്റിസിയില് നിലവിലുള്ളത്. ഇതിനു പകരം രണ്ട് ജനറല് മാനേജരെയും രണ്ട് ഡപ്യൂട്ടി ജനറല് മാനേജര്മാരെയും മറ്റുള്ളവരെയും നിയമിക്കാനാണ് സര്ക്കാര് ഉദ്ദേശിക്കുന്നത്.
മൂന്നു വര്ഷത്തേക്ക് നിയമിച്ച ശേഷം പ്രകടനം വിലയിരുത്തി എക്സ്റ്റന്ഷന് നല്കാനാണ് സര്ക്കാര് തീരുമാനം. ഈ മാസം 30 വരെയാണ് അപേക്ഷ നല്കാനുള്ള കാലാവധി. മികച്ച യോഗ്യതയുള്ളവരുടെ പ്രായപരിധിയില് ഇളവ് അനുവദിക്കുമെന്നും വിജ്ഞാപനത്തില് പറയുന്നു. നിലവില് എംഡി ഒഴികെയുള്ളവരുടെ ശമ്പളം ഒരു ലക്ഷത്തില് താഴെയാണ്. എന്നാല് പുതുതായി നിയമിക്കുന്നവര്ക്ക് ഒരു ലക്ഷത്തിനു മേലെ ശമ്പളം നല്കാന് കോര്പ്പറേഷന് ആലോചിക്കുന്നുണ്ട്.
വന് പ്രതിസന്ധി അനുഭവിക്കുന്ന സ്ഥാപനമാണ് കെ എസ് ആര് റ്റി സി. ശമ്പളവും പെന്ഷനും നല്കാന് ബുദ്ധിമുട്ടുന്ന സ്ഥാപനം സര്ക്കാര് സഹായം ലഭിക്കുന്നതു കൊണ്ടു മാത്രമാണ് നടന്നതു പോകുന്നത്. ഇപ്പോള് ഡപ്യൂട്ടേഷനില് ജോലി ചെയ്യുന്നവര്ക്ക് പോലും ശമ്പളം നല്കാന് കഴിയാത്ത സാഹചര്യമാണുള്ളത്.
രാജമാണിക്യം എംഡിയായിരുന്നപ്പോള് നല്ല നിലയിലാണ് സ്ഥാപനം പ്രവര്ത്തിച്ചു വന്നിരുന്നത്. എന്നാല് സോളാര് കേസിന്റെ പേരില് അദ്ദേഹത്തിന്റെ സ്ഥാനത്ത് ഡിജിപി കേഡറിലുള്ള ഹേമചന്ദ്രനെ നിയമിച്ചു. അദ്ദേഹത്തിനു നല്കിയ ശിക്ഷയാണ് കെ എസ് ആര് റ്റി സി. രാജമാണിക്യത്തിന് നല്ലൊരു നിയമനം തല്കിയുമില്ല. തോമസ് ചാണ്ടിയുമായി സ്വരചേര്ച്ചയില്ലാതെയാണ് രാജമാണിക്യം പോയത്. അതുകൊണ്ടായിരിക്കാം അദ്ദേഹത്തിന് മികച്ച തസ്തിക നല്കാതിരുന്നത്.
കോടി ക്കണക്കിനു രൂപയുടെ കടക്കെണിയിലാണ് കെ എസ് ആര് റ്റി സി. വിവിധ സ്ഥലങ്ങളില് നിര്മ്മിച്ച ടെര്മിനലുകള് നാഥനില്ലാതെ കിടക്കുന്നു. കടം കൊണ്ട് പൊറുതി മുട്ടിയിട്ടും കടമെടുക്കാന് സ്ഥാപനത്തിന് മടിയില്ല.
https://www.facebook.com/Malayalivartha
