ചാണ്ടി ചാടിയാല് ചട്ടിയോളം; സി.പി.ഐയ്ക്ക് പിന്നാലെ സി.പി.എമ്മും നിലപാടി കടുപ്പിച്ചു; പണത്തിന്റെ ഹുങ്ക് ഇടത് മുന്നയില് കാണിക്കേണ്ട
ഗതാഗതമന്ത്രി തോമസ് ചാണ്ടിക്ക് സ്വന്തം മണ്ഡലമായ കുട്ടനാട്ടില് എം.എല്.എ മാത്രമായി കഴിയാനുള്ള വഴി തെളിയുന്നു. സ്വന്തം കുഴി അദ്ദേഹം തന്നെ കുഴിച്ച് അതില് ചാടുകയായിരുന്നെന്ന് ഇതിനെ വിലയിരുത്താം. തോമസ് ചാണ്ടിയെ മന്ത്രിസഭയില് നിന്ന് പുറത്താക്കണമെന്ന തരത്തില് സി.പി.ഐ സംസ്ഥാന സെക്രട്ടറി കാനം രാജേന്ദ്രന് ഒരു സ്വകാര്യചാനലിന് നല്കിയ അഭിമുഖത്തില് വ്യക്തമാക്കി. തോമസ് ചാണ്ടിക്കെതിരെ കോട്ടയം വിജിലന്സ് കോടതി ത്വരിത അന്വേഷണം നടത്തണമെന്ന് ഉത്തരവിട്ടതോടെ സ്ഥിതി അതീവ ഗൗരവതരമാണെന്നും കാനം വ്യക്തമാക്കി. മന്ത്രിയുടെ പ്രസ്താവനകള് ഇടത് മുന്നണിക്ക് ക്ഷീണമുണ്ടാക്കിയെന്നും കാനം ചൂണ്ടിക്കാട്ടി.
ഒരു പക്ഷെ, എന്.സി.പിയില് നിന്നും തോമസ് ചാണ്ടിക്ക് കനത്ത തിരിച്ചടിയുണ്ടായേക്കും. കാരണം പാര്ട്ടിക്കുള്ള രണ്ട് എം.എല്.എമാരും മന്ത്രിസഭയിലെത്തിയിരുന്നു. എ.കെ ശശീന്ദ്രന് ആദ്യം രാജിവെച്ചു. ഇപ്പോള് ചാണ്ടി കൂടി പുറത്താകുന്നതോടെ പാര്ട്ടിക്ക് മന്ത്രിയില്ലാതാകും. ഹണി ട്രാപ്പില് പുറത്തായ ശശീന്ദ്രനെ തിരികെ കൊണ്ടുവരുക പ്രയാസമാണ്. അതുകൊണ്ട് സി.പി.എം ഈ മന്ത്രിസ്ഥാനം ഏറ്റെടുത്തേക്കും. രണ്ട് മാസമായി തോമസ് ചാണ്ടിയുടെ നിയമലംഘനങ്ങള് വിവാദമായി തുടരുമ്പോഴും മുന്നണിയും മുഖ്യമന്ത്രിയും അദ്ദേഹത്തെ പ്രതിരോധിച്ചിരുന്നു. എന്നാല് മുന്നണിയെ ശക്തിപ്പെടുത്താന് നടത്തിയ ജനജാഗ്രത യാത്രയില് ചാണ്ടി കാനത്തെയും ഉദ്യോഗസ്ഥരെയും വെല്ലുവിളിച്ചതോടെ കാര്യങ്ങള് കൈവിട്ട് പോയി.
അതിന് ശേഷം സി.പി.ഐ ദേശീയ സെക്രട്ടറി സുധാകര് റെഡ്ഡി തോമസ് ചാണ്ടിക്കെതിരെ പ്രതികരണവുമായി രംഗത്തെത്തി. സര്ക്കാര് ഇക്കാര്യത്തില് നടപടി സ്വീകരിക്കണമെന്നും അദ്ദേഹം ആവശ്യപ്പെട്ടിരുന്നു. ഇതോടെ സുധാകര് റെഡ്ഡി അഴിമതിക്കാരനാണെന്ന് തോമസ് ചാണ്ടി ആരോപിച്ചു. ഇതിന് മറുപടി നല്കാന് സി.പി.ഐയോ, കാനം രാജേന്ദ്രനോ തയ്യാറായില്ല. ദേശീയ സെക്രട്ടറിക്കെതിരെ മന്ത്രി തന്നെ മോശം ആരോപണം ഉന്നയിച്ചത് സി.പി.ഐ നേതൃത്വത്തിന് ഇഷ്ടപ്പെട്ടില്ല. എന്നാല് ഇക്കാര്യത്തില് പരസ്യപ്രതികരണത്തിന് അവര് തയ്യാറായിട്ടില്ല. മുന്നണിയോഗത്തിലോ സി.പി.എമ്മുമായുള്ള ഉഭയകക്ഷി ചര്ച്ചയിലോ വിഷയം അവതരിപ്പിക്കാനാണ് തീരുമാനം.
https://www.facebook.com/Malayalivartha
