പഞ്ചറായ ബസില് നിന്നും ഇറങ്ങുന്നതിനിടെ അഞ്ച് പേരെ പിന്നാലെയെത്തിയ സ്വകാര്യ ബസിടിച്ചു തെറിപ്പിച്ചു, 20 പേര്ക്ക് പരിക്കേറ്റു, അമിതവേഗതയാണ് അപകടത്തിന് കാരണം
ടയര് പഞ്ചറായ ബസിനു സമീപം അടുത്ത ബസ് കാത്തുനിന്ന അഞ്ചുപേര് പിന്നാലെയെത്തിയ സ്വകാര്യ ബസിടിച്ചു തല്ക്ഷണം മരിച്ചു. 20 പേര്ക്കു പരുക്ക്. പിലാത്തറ മണ്ടൂര് പള്ളിക്കു സമീപം കെ.എസ്.ടി.പി. പുതിയ റോഡില് ഇന്നലെ രാത്രി എട്ടുമണിയോടെയാണ് അപകടം.
ചെറുകുന്ന് സ്വദേശി സുജിത്ത്, പഴയങ്ങാടി സ്വദേശി മുസ്തഫ, ഏഴോം സ്വദേശിയും പുതിയങ്ങാടി ജമാഅത്ത് സ്കൂള് അധ്യാപികയുമായ സി.പി. സുബൈദ, മകന് മുഫീദ് എന്നിവരാണു മരിച്ചത്. ഒരാളെ തിരിച്ചറിഞ്ഞിട്ടില്ല. പരുക്കേറ്റ് പരിയാരം മെഡിക്കല് കോളജ് ആശുപത്രിയിലുള്ളവരില് ഏഴുപേരുടെ നില അതീവ ഗുരുതരമാണ്.
പഞ്ചറായ ടയര് മാറ്റാന് നിര്ത്തിയിട്ട അന്വിദ എന്ന സ്വകാര്യ ബസിനു പിന്നാലെ അമിതവേഗത്തില് വന്ന ഹില്ട്ടണ് എന്ന ബസാണ് അപകടമുണ്ടാക്കിയത്. പയ്യന്നൂരില്നിന്നു പഴയങ്ങാടി ഭാഗത്തേക്കു പോയ അന്വിദ ബസിന്റെ ടയര് മണ്ടൂര് ടൗണിനടുത്ത് ഇറക്കവും വളവുമുള്ള ഭാഗത്തുവച്ചാണു പഞ്ചറായത്.
യാത്രക്കാരെ ഇറക്കി ടയര് മാറ്റുന്നതിനിടെയായിരുന്നു അപകടം. ഈസമയം ശക്തമായ മഴയുമുണ്ടായിരുന്നു. റോഡില്നിന്ന യാത്രക്കാര്ക്കുമേല് പാഞ്ഞുകയറിയശേഷം അന്വിദ ബസിനു പിന്നില് ഇടിച്ചാണ് അപകടമുണ്ടാക്കിയ ബസ് നിന്നത്.
https://www.facebook.com/Malayalivartha
