കോഴിക്കോട്ട് അപൂര്‍വ്വയിനം വൈറസ് ബാധയെ തുടര്‍ന്ന് പനി ബാധിച്ച്‌ മരണപ്പെട്ട യുവാവിന്റെ പിതാവും, പ്രതിശ്രുത വധുവും, ശുശ്രൂഷിച്ച നഴ്‌സും മരണാനന്തരച്ചടങ്ങില്‍ പങ്കെടുത്ത ബന്ധുവും പനി ബാധിച്ച്‌ ആശുപത്രിയില്‍. കോഴിക്കോട് പേരാമ്ബ്ര സൂപ്പിക്കടയിലെ വളച്ചുകെട്ടി മൊയ്തുഹാജിയുടെ ഭാര്യ കണ്ടോത്ത് മറിയം (50), മറിയത്തിന്റെ ഭര്‍തൃസഹോദരന്റെ മക്കളായ മുഹമ്മദ് സാലിഹ് (26), സാബിത്ത് (23) എന്നിവരാണ് പനി ബാധിച്ച്‌ മരിച്ചത്.

സാലിഹിന്റെ പിതാവ് മൂസ (62), ബന്ധു നൗഷാദ്, സാലിഹിന്റെ പ്രതിശ്രുതവധു ആത്തിഫ (19) എന്നിവരാണ് ആശുപത്രിയില്‍ ചികിത്സയിലുള്ളത്. മൂസയും നൗഷാദും കോഴിക്കോട്ടെ ആശുപത്രിയിലും ആത്തിഫ കൊച്ചിയിലെ ആശുപത്രിയിലുമാണ് ചികിത്സയിലുള്ളത്. സാലിഹിനെ ശുശ്രൂഷിച്ച നഴ്‌സിനും പനി ബാധിച്ചിട്ടുണ്ട്. പേരാമ്ബ്ര താലൂക്ക് ആശുപത്രിയിലെ നഴ്‌സ് പുതുശ്ശേരി പശുക്കടവ് വീട്ടില്‍ ലിനിയാണ് (31) ആശുപത്രിയില്‍ കഴിയുന്നത്. കോ​ഴി​ക്കോ​ട് മെ​ഡി​ക്ക​ല്‍ കോ​ള​ജി​ല്‍ കൂ​ടു​ത​ല്‍ വെ​ന്‍റി​ലേ​റ്റ​റു​ക​ള്‍ സ്ഥാ​പി​ക്കാ​ന്‍ ആ​രോ​ഗ്യ​വ​കു​പ്പ് തീ​രു​മാ​നി​ച്ചു.

കോ​ഴി​ക്കോ​ട് മെ​ഡി​ക്ക​ല്‍ കോ​ള​ജി​ല്‍ ആ​റു പേ​രും ര​ണ്ടു​പേ​ര്‍ കോ​ഴി​ക്കോ​ട്ടെ​യും കൊ​ച്ചി​യി​ലെ​യും സ്വ​കാ​ര്യ ആ​ശു​പ​ത്രി​ക​ളി​ലു​മാ​ണ് പ​നി ബാ​ധി​ച്ച​വ​ര്‍ ചി​കി​ത്സ​യി​ലു​ള്ള​ത്. ഇ​വ​രി​ല്‍ അ​ഞ്ചു​പേ​ര്‍ ഒ​രേ പ്ര​ദേ​ശ​ത്തു​നി​ന്നു​ള്ള​വ​രാ​ണ്. സം​സ്ഥാ​ന​ത്ത് ആ​ദ്യ​മാ​ണ് ഇ​ത്ത​രം വൈ​റ​സ്ബാ​ധ ക​ണ്ടെ​ത്തി​യ​ത്. നി​പാ വൈ​റ​സാ​ണ് രോ​ഗ​കാ​ര​ണ​മെ​ന്ന് സം​ശ​യി​ക്കു​ന്നു​ണ്ടെ​ങ്കി​ലും അ​ക്കാ​ര്യം സ്ഥി​രീ​ക​രി​ച്ചി​ട്ടി​ല്ല. ത​ല​ച്ചോ​റി​നെ ബാ​ധി​ക്കു​ന്ന പ്ര​ത്യേ​ക​ത​രം വൈ​റ​സാ​ണി​ത്. മ​ണി​പ്പാ​ലി​ലെ കെഎംസി വൈ​റോ​ള​ജി ഇ​ന്‍​സ്റ്റി​റ്റ്യൂ​ട്ടി​ലേ​ക്ക​യ​ച്ച ര​ക്ത​സാ​ന്പി​ളു​ക​ളു​ടെ അ​ന്തി​മ​പ​രി​ശോ​ധ​നാ ഫ​ലം അ​റി​ഞ്ഞാ​ലേ രോ​ഗ​ത്ത​പ്പ​റ്റി സ്ഥി​രീ​ക​ര​ണം ന​ട​ത്താ​നാ​കൂ​വെ​ന്നാ​ണ് ആ​രോ​ഗ്യ​വ​കു​പ്പ് അ​റി​യി​ച്ച​ത്.

അ​തേ​സ​മ​യം, പേ​രാ​ന്പ്ര​യി​ലെ പ​നി​മ​ര​ണ​ത്തി​ല്‍ ആ​ശ​ങ്ക വേ​ണ്ടെ​ന്ന് ആ​രോ​ഗ്യ​മ​ന്ത്രി കെ.​കെ. ശൈ​ല​ജ പ​റ​ഞ്ഞി​രു​ന്നു. അ​പൂ​ര്‍​വ വൈ​റ​സ് ബാ​ധ ക​ണ്ടെ​ത്തി​യ സ്ഥ​ല​ത്ത് പ്ര​ത്യേ​ക മെ​ഡി​ക്ക​ല്‍ സം​ഘം ക്യാ​ന്പ് ചെ​യ്യു​ന്നു​ണ്ട്. സ​മൂ​ഹ​മാ​ധ്യ​മ​ങ്ങ​ളി​ലൂ​ടെ തെ​റ്റാ​യ പ്ര​ചാ​ര​ണം ന​ട​ത്ത​രു​തെ​ന്നും മ​ന്ത്രി അ​റി​യി​ച്ചു. പ​നി പ്ര​തി​രോ​ധി​ക്കാ​ന്‍ ജി​ല്ലാ​ത​ല ടാ​സ്ക് ഫോ​ഴ്സ് രൂ​പ​വ​ത്ക​രി​ക്കാ​ന്‍ ഉ​ന്ന​ത​ത​ല യോ​ഗ​ത്തി​ല്‍ തീ​രു​മാ​ന​മാ​യി​രു​ന്നു.