റഫറിയെ മാറ്റാതെ ഏഷ്യാ കപ്പില്‍ കളിക്കില്ലെന്ന് പാകിസ്താന്‍
ഏഷ്യാ കപ്പില്‍ യുഎഇയ്ക്ക് എതിരായ നിര്‍ണായക മത്സരം ഉപേക്ഷിക്കാന്‍ പാകിസ്താന്‍ ടീം ആലോചിക്കുകയാണ്. റഫറിയെ മാറ്റാതെ കളിക്കില്ലെന്ന് പാകിസ്താന്‍ അറിയിച്ചു. റഫറിയെ മാറ്റില്ലെന്ന തീരുമാനത്തില്‍ ഐസിസിയും ഉറച്ചു നില്‍ക്കുകയാണ്. ഇതോടെ ഏഷ്യാ കപ്പ് അനിശ്ചിതത്വത്തിലായിരിക്കുകയാണ്. നിലവില്‍ പാകിസ്താന്‍ ടീം ഹോട്ടലില്‍ തുടരുകയാണ്. ഇന്നത്തെ മത്സരത്തില്‍ നിന്ന് പിന്മാറിയാല്‍ പാകിസ്താന്‍ പുറത്താകും. അങ്ങനെയെങ്കില്‍ യുഎഇ സൂപ്പര്‍ ഫോറിലെത്തും. പാകിസ്താന്‍ ക്രിക്കറ്റ് ബോര്‍ഡിന്റെ വാര്‍ത്താസമ്മേളനം ഉടന്‍ ഉണ്ടാകുമെന്നാണ് റിപ്പോര്‍ട്ട്.
ലാഹോറിലും ദുബായിലുമായി നാടകീയ നീക്കങ്ങള്‍ നടക്കുന്നുവെന്നാണ് വിവരം. ആന്‍ഡി പൈക്രോഫ്റ്റ് സ്‌റ്റേഡിയത്തില്‍ എത്തിയിട്ടുണ്ട്. പൈക്രോഫ്റ്റാണ് മത്സരങ്ങള്‍ നിയന്ത്രിക്കുന്നതെങ്കില്‍ കളിക്കില്ലെന്നാണ് പാകിസ്താന്‍ ടീമിന്റെ നിലപാട്. എന്നാല്‍, പൈക്രോഫ്റ്റിനെ മാറ്റാന്‍ ധാരണ ഉണ്ടാക്കിയിട്ടില്ലെന്ന് ഐസിസി വൃത്തങ്ങള്‍ അറിയിച്ചിട്ടുണ്ട്. പിസിബിയുടെ രണ്ടാമത്തെ മെയിലും ഐസിസി തള്ളിയിരുന്നു.
https://www.facebook.com/Malayalivartha
