കോട്ടയം മാന്നാനത്ത് വീടാക്രമിച്ച്‌ നവവരനെ തട്ടിക്കൊണ്ടു​പോ​യെ​ന്നു പ​രാ​തി. കു​മാ​ര​ന​ല്ലൂ​ർ സ്വ​ദേ​ശി കെവിനെ​യാ​ണ് ത​ട്ടി​ക്കൊ​ണ്ടു​പോ​യ​ത്. ഇയാള്‍ വിവാഹം കഴിച്ച പെണ്‍കുട്ടിയുടെ സഹോദരന്റെ നേതൃത്വത്തില്‍ എത്തിയ കൊട്ടേഷന്‍ സംഘമാണ് കെവിനെ തട്ടിക്കൊണ്ടു പോയതെന്ന് പോലീസ് വ്യക്തമാക്കി. പ്ര​ണ​യി​ച്ച് വി​വാ​ഹം ക​ഴി​ച്ച​തി​ന്‍റെ പേ​രി​ലാ​ണ് ആ​ക്ര​മ​ണ​മെ​ന്നാ​ണ് പ​രാ​തി.

പ​ത്ത​നാ​പു​രം സ്വ​ദേ​ശി​യാ​യ പെ​ൺ​കു​ട്ടി​യെ കെ​വി​ൻ ര​ജി​സ്റ്റ​ർ വി​വാ​ഹം ചെ​യ്യു​ക​യാ​യി​രു​ന്നു. പി​ന്നീ​ട് പെ​ൺ​കു​ട്ടി​യെ കോ​ട്ട​യ​ത്തെ ഒ​രു ഹോ​സ്റ്റ​ലി​ൽ താ​മ​സി​പ്പി​ച്ചു. കെ​വി​ൻ മാ​ന്നാ​ന​ത്ത് ബ​ന്ധു ​വീ​ട്ടി​ലു​മാ​യി​രു​ന്നു. പെ​ൺ​കു​ട്ടി​യു​ടെ സ​ഹോ​ദ​ര​നും സം​ഘ​വും മൂ​ന്നു വാ​ഹ​ന​ങ്ങ​ളി​ൽ എ​ത്തി​യാ​ണ് വീ​ട്ടി​ൽ ക​യ​റി കെ​വി​നെ ത​ട്ടി​ക്കൊ​ണ്ടു​പോ​യ​ത്.

എന്നാൽ പെ​ൺ‌​കു​ട്ടി​യെ കാ​ണാ​നി​ല്ലെ​ന്നു കാ​ട്ടി ബ​ന്ധു​ക്ക​ൾ മുൻപ് പ​ത്ത​നാ​പു​രം പോ​ലീ​സ് സ്റ്റേ​ഷ​നി​ൽ പ​രാ​തി ന​ൽ​കി​യി​ട്ടു​ണ്ട്. ഇ​തി​ന്‍റെ അ​ടി​സ്ഥാ​ന​ത്തി​ൽ ഗാ​ന്ധി​ന​ഗ​ർ പോ​ലീ​സ് പെ​ൺ​കു​ട്ടി​യെ സ്റ്റേ​ഷ​നി​ലെ​ത്തി​ച്ച ശേ​ഷം ആ​ശു​പ​ത്രി​യി​ൽ വൈ​ദ്യ​പ​രി​ശോ​ധ​ന​യ്ക്കു വി​ധേ​യ​യാ​ക്കി. അതേസമയം പെണ്‍കുട്ടിയുടെ സഹോദരന്‍ തെന്‍മല ഭാഗത്തുള്ളതായി പോലീസിന് സൂചന ലഭിച്ചിട്ടുണ്ട്. സംഭവത്തിൽ കേസെടുത്ത് അന്വേഷണം ആരംഭിച്ചതായി ഗാന്ധിനഗര്‍ പോലീസ് വ്യക്തമാക്കി.