കഴിഞ്ഞ നിയമസഭാ തെരഞ്ഞെടുപ്പിന് മുമ്പ്, 20 വര്ഷം എം.എല്.എമാരായിരുന്നവര് മാറിനില്ക്കണമെന്ന് താന് ആവശ്യപ്പെട്ടെങ്കിലും ആരും അംഗീകരിച്ചില്ലെന്ന് സുധീരന്. ഉമ്മന്ചാണ്ടി ഉള്പ്പെടെയുള്ളവരെ വെട്ടാനുള്ള തീരുമാനമായിരുന്നു അത്
ഗ്രൂപ്പ് മാനേജര്മാര് വളഞ്ഞിട്ട് ആക്രമിച്ചപ്പോള് പ്രവര്ത്തിക്കാനാവാതെയാണ് കെ.പി.സി.സി പ്രസിഡന്റ് സ്ഥാനം ഒഴിഞ്ഞതെന്ന് വി.എം സുധീരന്. ആരോഗ്യപ്രശ്നം മാത്രമായിരുന്നില്ല കാരണമെന്നും അദ്ദേഹം വ്യക്തമാക്കി. കെ.പി.സി.സി യോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. എന്ത് കാര്യം ഗ്രൂപ്പ് പ്രശ്നം ഉയര്ത്തിയാണ് തന്നെ അന്ന് നേരിട്ടിരുന്നത്. എല്ലാ നേതാക്കള്ക്കും അര്ഹിക്കുന്ന അംഗീകാരവും ആദരവും നല്കിയാണ് താന് പ്രവര്ത്തിച്ചത്. എന്നാല് പാര്ട്ടിയല്ല ഗ്രൂപ്പാണ് വലുതെന്ന് പല നേതാക്കളും ഗ്രൂപ്പുകാരും വിശ്വസിക്കുന്നു. ഇത് കോണ്ഗ്രസ് പാര്ട്ടിക്ക് ഗുണം ചെയ്യില്ലെന്നും അദ്ദേഹം പറഞ്ഞു.
രാജ്യസഭാ സീറ്റ് വിവാദത്തെ തുടര്ന്ന് നേതാക്കള്ക്ക് പെരുമാറ്റച്ചട്ടം ഏര്പ്പെടുത്താന് കെ.പി.സി.സി പ്രസിഡന്റിനെ ചുമതലപ്പെടുത്തിയതിന് തൊട്ട് പിന്നാലെയാണ് ചാനലുകളിലൂടെ സുധീരന് ഗ്രൂപ്പ് നേതാക്കള്ക്കെതിരെ ആഞ്ഞടിച്ചത്. ഇത് കോണ്ഗ്രസിലെ തമ്മിലടി തുടരുമെന്ന വ്യക്തമായ സൂചനയാണ് നല്കുന്നത്. ജനകീയസ്വീകാര്യമുള്ളവരെ പാര്ട്ടിയുടെയും പാര്ലമെന്ററി പാര്ട്ടിയുടെയും നേതൃസ്ഥാനങ്ങളില് കൊണ്ടുവരണം. ജനകീയപ്രശ്നങ്ങളില് പാര്ട്ടി സജീവമായി ഇടപെടണം. അതില് ജാഗ്രത പാലിക്കണം. നിര്ഭാഗ്യവശാല് അതുണ്ടാകുന്നില്ല. കഴിഞ്ഞ നിയമസഭാ തെരഞ്ഞെടുപ്പിന് മുമ്പ്, 20 വര്ഷം എം.എല്.എമാരായിരുന്നവര് മാറിനില്ക്കണമെന്ന് താന് ആവശ്യപ്പെട്ടെങ്കിലും ആരും അംഗീകരിച്ചില്ല. അന്നത് ചെയ്തിരുന്നില്ലെങ്കില് ഇന്നത്തെ രാജ്യസഭാ സീറ്റ് വിവാദം ഉണ്ടാകുമായിരുന്നില്ലെന്നും സുധീരന് ചൂണ്ടിക്കാട്ടി.
അസുശത്തെ തുടര്ന്നാണ് താന് പ്രസിഡന്റ് സ്ഥാനം ഒഴിയുന്നതെന്നാണ് മുമ്പ് സുധീരന് പറഞ്ഞിരുന്നത്. മൂന്നാല് മാസം ചികിത്സയ്ക്ക് വേണ്ടിയിരുന്നെങ്കിലും അതല്ല രാജിവയ്ക്കാനുള്ള പ്രധാന കാരണമെന്നും സുധീരന് വ്യക്തമാക്കി. അതേസമയം കെ.കരുണാകരന് മുഖ്യമന്ത്രിയായിരുന്ന കാലത്ത് സ്പൂക്കറായിരുന്ന സുധീരന് നല്ല പോലെ ഗ്രൂപ്പിസം കളിച്ചിട്ടുണ്ടെന്നതാണ് ചരിത്ര യാഥാര്ത്ഥ്യം..
വീഡിയോ കാണാം...
https://www.facebook.com/Malayalivartha
