ഗാനഗന്ധര്‍വന് പണി കിട്ടിക്കൊണ്ടേയിരിക്കുന്നു. നാട്ടിലെ പെണ്‍കുട്ടികള്‍ ജീന്‍സ് ഇടുന്നതിനെ വിമര്‍ശിച്ചപ്പോള്‍ സ്വന്തം വീട്ടിലെ കാര്യം അദ്ദേഹം മറന്നു പോയമട്ടാണ്. ഗന്ധര്‍വന്റെ മരുമക്കള്‍ സ്ഥിരമായി ഇടാറുള്ളത് ജീന്‍സാണ്. അതും ഇറുകിയ, ദേഹം പുറത്തു കാണിക്കുന്ന തരത്തിലുള്ള ജീന്‍സാണ് ഇടാറുള്ളത്. ഇക്കാര്യം മറച്ചുവച്ചാണ് ആരാന്റെ മക്കളെ വിമര്‍ശിക്കാന്‍ അദ്ദേഹം ഇറങ്ങി പുറപ്പെട്ടത്.

വീടു നന്നാക്കിയിട്ടു പോരെ നാടു നന്നാക്കാന്‍ ഇറങ്ങി പുറപ്പെടുന്നതെന്ന് പ്രിയഗായകനോട് ചോദിക്കാതെ വയ്യ. 
അമേരിക്കയില്‍ താമസിക്കുന്നതുകൊണ്ടാണോ മരുമക്കളുടെ കാര്യം അദ്ദേഹം മറന്നുപോയത് എന്നറിയില്ല. എന്തായാലും അദ്ദേഹത്തിന്റെ മരുമക്കളെ കണ്ടു പഠിച്ചാല്‍ കേരളത്തിലെ പീഡനം കൂടുകയെ ഉള്ളൂ. സ്വന്തം മരുമക്കളുടെ കാര്യത്തിലെ ഉത്ക്കണ്ഠ അദ്ദേഹം പങ്കുവച്ചുപോയതുമാകാം.

പെണ്ണിന്റെ വേഷമല്ല, ആണിന്റെ മനസ്സാണ് പ്രശ്‌നമെന്ന് ദാസേട്ടന്‍ തിരിച്ചറിയണം. തൂവെള്ള വസ്ത്രത്തിനുള്ളില്‍ ഇത്രയും ഇടുങ്ങിയ മനസാണ് ഗന്ധര്‍വനെന്ന് കേരളത്തിലെ പെണ്‍കുട്ടികള്‍ ഇപ്പോഴാണറിയുന്നത്. ജീന്‍സിട്ട പെണ്‍കുട്ടിയെ കാണുമ്പോള്‍ തോന്നുന്ന വികാരമാണല്ലോ അദ്ദേഹം അഭിപ്രായപ്രകടനമാക്കിയത്.
സ്ത്രീകള്‍ ജീന്‍സിടുന്നതിനെ വിമര്‍ശിച്ച യേശുദാസ്, പ്രസ്താവന പിന്‍വലിക്കണമെന്ന് പറഞ്ഞ് മഹിളാ കോണ്‍ഗ്രസ് പ്രവര്‍ത്തകരും രംഗത്തു വന്നിരുന്നു. സോഷ്യല്‍ മീഡിയകളൊക്കെ യേശുദാസിനെ വിമര്‍ശിച്ചു കൊണ്ടേയിരിക്കുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha