മലയാളി അത് ലറ്റിക് താരം ഒളിംപ്യന്‍ പ്രീജാ ശ്രീധരന്‍ രാജ്യാന്തര മത്സരങ്ങളില്‍ നിന്നും വിരമിക്കുന്നു. ഇഞ്ചിയോണില്‍ നടന്ന ഏഷ്യന്‍ ഗെയിംസ് അവസാന രാജ്യാന്തര മത്സരമായിരുന്നുവെന്ന് പ്രീജ പറഞ്ഞു. അടുത്ത വര്‍ഷം കേരളത്തില്‍ നടക്കുന്ന ദേശീയ ഗെയിംസിനു ശേഷം അത്‌ലറ്റിക്‌സില്‍ നിന്നും പൂര്‍ണമായും വിരമിക്കുമെന്നും പ്രീജ വ്യക്തമാക്കി. 2010ല്‍ ചൈനയിലെ ഗ്വാങ്ഷൂവില്‍ നടന്ന ഏഷ്യന്‍ ഗെയിംസില്‍ 10,000 മീറ്റര്‍ ഓട്ടത്തില്‍ സ്വര്‍ണവും 5000 മീറ്ററില്‍ വെള്ളിയും നേടിയതാണ് പ്രീജയുടെ പ്രധാന നേട്ടം. 2006ല്‍ നടന്ന ഏഷ്യന്‍ ഗെയിംസില്‍ 5,000, 10,000 മീറ്റര്‍ ഓട്ട മത്സരങ്ങളില്‍ അഞ്ചാം സ്ഥാനത്തെത്തിയിരുന്നു. ഇഞ്ചിയോണ്‍ ഏഷ്യന്‍ ഗെയിംസില്‍ 5000 മീറ്റില്‍ പ്രീജ എട്ടാമതായാണ് ഫിസിഷ് ചെയ്തത്. വിരമിച്ചാലും കായികരംഗത്തു തന്നെ ഉണ്ടാകുമെന്ന് പ്രീജ പറഞ്ഞു

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha