കേരളത്തിലെ വാട്സ്‌ആപ്പ് ഹര്‍ത്താല്‍ സി.ബി.എെ അന്വേഷിക്കുമെന്ന് കേന്ദ്ര എെ.ടി മന്ത്രി രവിശങ്കര്‍ പ്രസാദ്
കേരളത്തിലെ വാട്സ്‌ആപ്പ് ഹര്‍ത്താല്‍ സി.ബി.എെ അന്വേഷിക്കുമെന്ന് കേന്ദ്രസര്‍ക്കാര്‍. കേന്ദ്ര എെ.ടി മന്ത്രി രവിശങ്കര്‍ പ്രസാദാണ് രാജ്യസഭയെ ഇക്കാര്യം അറിയിച്ചത്. വി. മുരളീധരന്‍ എം.പി ഉന്നയിച്ച വിഷയത്തിന് മറുപടി പറയുകയായിരുന്നു അദ്ദേഹം. വാട്സ്‌ആപ്പ് ഹര്‍ത്താല്‍ സോഷ്യല്‍ മീഡിയയില്‍ കൂടി പ്രചരിക്കുന്ന വ്യാജസന്ദേശങ്ങളുടെ ഉദാഹരണമാണെന്ന് വി. മുരളീധരന്‍ പറഞ്ഞു.
അതേസമയം ദളിതുകള്‍ക്കെതിരായ അക്രമം തടയുന്ന നിയമം ദുര്‍ബലപ്പെടുത്തിയ ജസ്റ്റിസ് ഗോയലിനെ ദേശീയ ഹരിത ട്രിബ്യൂണല്‍ ചെയര്‍മാന്‍ സ്ഥാനത്ത് നിന്ന് നീക്കം ചെയ്യണമെന്ന് കൊടിക്കുന്നില്‍ സുരേഷ് ലോക്‌സഭയില്‍ ആവശ്യപ്പെട്ടു. സുപ്രീം കോടതി മുന്‍ ജഡ്‌ജിയായ ഗോയലിനെ ദേശീയ ഹരിത ട്രിബ്യൂണല്‍ ചെയര്‍മാനായി നിയമിച്ചതിനെതിരെ ദളിത് സംഘടനകള്‍ ആഗസ്റ്റ് ഒമ്ബതിന് ദേശവ്യാപകമായ പ്രക്ഷോഭത്തിന് ആഹ്വാനം ചെയ്‌തിരുന്നു. ഇതിന് പിന്നാലെയാണ് ഗോയലിനെ പുറത്താക്കണമെന്ന് ലോക്‌സഭയില്‍ കൊടിക്കുന്നില്‍ ആവശ്യപ്പെട്ടത്.
https://www.facebook.com/Malayalivartha
