ഏഷ്യന്‍ ഗെയിംസില്‍ ഇന്ത്യ പത്താം സ്വര്‍ണം സ്വന്തമാക്കി. പുരുഷ വിഭാഗം ട്രിപ്പിള്‍ ജമ്ബ് മത്സരത്തില്‍ അര്‍പീന്ദര്‍ സിങ്ങാണ് സ്വര്‍ണം നേടിയത്.16.77 മീറ്റര്‍ ദൂരമാണ് അര്‍പ്പീന്ദര്‍ ചാടിയത്. മുന്‍പ് നടന്ന മത്സരത്തില്‍ 800 മീറ്ററില്‍ മന്‍ജിത് സിങ്ങ് സ്വര്‍ണം നേടിയിരുന്നു. മലയാളി താരം ജിന്‍സണ്‍ ജോണ്‍സണിനാണ് വെള്ളി. ഒരു മിനിറ്റ് 46.15 സെക്കന്‍ഡിലാണ് മന്‍ജിത് ഫിനിഷ് ചെയ്തത്.

ചരിത്രം കുറിച്ച്‌ ബാഡ്മിന്റന്‍ സിംഗിള്‍സ് ഫൈനലില്‍ കടന്ന പി.വി. സിന്ധു, ചൈനീസ് തായ്‌പേയിയുടെ ലോക ഒന്നാം നമ്ബര്‍ താരം തായ് സൂയിങ്ങിനോടു തോറ്റു. നേരിട്ടുള്ള സെറ്റുകള്‍ക്കാണ് സിന്ധുവിന്റെ തോല്‍വി. സ്‌കോര്‍: 13-21, 16-21. നേട്ടം വെള്ളിയിലൊതുങ്ങിയെങ്കിലും ഏഷ്യന്‍ ഗെയിംസ് ബാഡ്മിന്റനില്‍ വെള്ളി നേടുന്ന ആദ്യ ഇന്ത്യന്‍ താരമാണ് സിന്ധു.പത്ത് സ്വര്‍ണവും 19 വെള്ളിയും 22 വെങ്കലവുമായി ജക്കാര്‍ത്തയില്‍ ഇന്ത്യയുടെ മെഡല്‍ നേട്ടം 51 കടന്നു.