കേരളത്തിലെ മന്ത്രിമാരെ വിമര്‍ശിച്ച് ജെയ്റ്റിലി. മന്ത്രിമാര്‍ കേന്ദ്രത്തോട് കാര്യങ്ങള്‍ ആവശ്യപ്പെടേണ്ടത് പത്രസമ്മേളനത്തിലല്ല. വിശദമായ റിപ്പോര്‍ട്ട് കേന്ദ്രത്തിന് നല്‍കുകയാണ് വേണ്ടത്. കേരളത്തിന് കേന്ദ്രം നല്‍കിയ 600 കോടി രൂപ ഇടക്കാല ആശ്വാസം മാത്രമാണെന്നും, പുനരധിവാസത്തിന് കൂടുതല്‍ സഹായം നല്‍കുമെന്നും കേന്ദ്ര ധനമന്ത്രി അരുണ്‍ ജയ്റ്റ്‌ലി. കേന്ദ്ര മന്ത്രിസഭാ യോഗത്തിനു ശേഷമായിരുന്നു അദ്ദേഹത്തിന്റെ പ്രതികരണം. 
ധന സഹായം അനുവദിക്കുന്നതിന് ചില നടപടിക്രമങ്ങളുണ്ട്.ആദ്യം ഇടക്കാലാശ്വാസം.പിന്നെ കേന്ദ്ര സംഘം സംസ്ഥാനം സന്ദര്‍ശിച്ച് നാശനഷ്ടങ്ങള്‍ വിലയിരുത്തും.പ്രളയദുരന്തത്തിന്റെ കണക്കെടുപ്പ് പൂര്‍ത്തിയായാല്‍ കൂടുതല്‍ സഹായം നല്‍കും.നിലവിലുള്ള മാനദണ്ഡങ്ങളനുസരിച്ച് ആഭ്യന്തര മന്ത്രി രാജ്‌നാഥ് സിങ്ങും കൃഷി മന്ത്രി രാധാമോഹന്‍ സിങ്ങും താനും ഉള്‍പ്പെട്ട സമിതിയാണ് അന്തിമ സഹായം തീരുമാനിക്കുക.കേരളം രേഖാമൂലം സമര്‍പ്പിക്കുന്ന ആവശ്യങ്ങള്‍ കേന്ദ്രം പരിഗണിക്കുമെന്നും അദ്ദേഹം വ്യക്തമാക്കി.പ്രധാനമന്ത്രി 500 കോടി രൂപയും ആഭ്യന്തര മന്ത്രി 100 കോടിയും അനുവദിച്ചത് അടിയന്തര സഹായമായാണ്.