കര്ഷക കടലായി ഡെല്ഹി; സര്ക്കാരിന് കര്ഷകരുടെ താക്കീത്: കൂറ്റന് റാലിയില് പങ്കെടുത്തത് മൂന്നു ലക്ഷത്തോളം തൊഴിലാളികള്: മോദി സര്ക്കാരിന്റെ കര്ഷക വിരുദ്ധ നയങ്ങള്ക്കെതിരേ പ്രതിഷേധം ഇരമ്പി
മോദി കര്ഷകര്ക്കെതിരെന്ന് മുദ്രവാക്യം വിളി. കര്ഷകരെ കൊല്ലാനാണ് കേന്ദ്രം ശ്രമിക്കുന്നതെന്നും തൊഴിലാളികള്. കര്ഷകരുടെ പ്രതിഷേധക്കടലായി ഡെല്ഹി. ഭക്ഷ്യ സുരക്ഷ ഉറപ്പാക്കുക, മിനിമം വേതനം 18,000 രൂപയാക്കുക തുടങ്ങിയ 15ഓളം ആവശ്യങ്ങളുന്നയിച്ച് ഡല്ഹിയില് കര്ഷക തൊഴിലാളികളുടെ പടുകൂറ്റന് റാലി. ഡല്ഹിയിലെ രാം ലീല മൈതാനത്ത് നടന്ന കിസാന് മസ്ദൂര് റാലിയില് ഒരു ലക്ഷത്തോളം കര്ഷക തൊഴിലാളികള് പങ്കെടുത്തു. മോദി സര്ക്കാരിന്റെ കര്ഷക വിരുദ്ദ നയങ്ങള്ക്കെതിരെയായിരുന്നു റാലി.
കേന്ദ്ര സര്ക്കാര് നയങ്ങള്ക്കെതിരേ തൊഴിലാളികളും കര്ഷകരും ഒന്നിച്ച് നടത്തിയ ഈ റാലി ഐതിഹാസികമാണെന്നും വിജയകരമായെന്നും സിഐടിയു ജനറല് സെക്രട്ടറി തപന് സെന് വ്യക്തമാക്കി. മോദിയുടെ അച്ഛേ ദിന് കൊണ്ട് പ്രയോജനം ലഭിച്ചത് രാജ്യത്തെ കോര്പ്പറേറ്റുകള്ക്കാണെന്നും കര്ഷകര്ക്കും തൊഴിലാളികള്ക്കും അത് ദുരിതം മാത്രമാണ് സമ്മാനിച്ചതെന്ന് അഖിലേന്ത്യാ കര്ഷക തൊഴിലാളി യൂണിയന് പ്രസിഡന്റ് എസ് തിരുനവക്കരസു അഭിപ്രായപ്പെട്ടു.
സിപിഎമ്മിന്റെ നേതൃത്വത്തിലുള്ള റാലിയില് സര്ക്കാരിനെതിരേയുള്ള പ്രതിഷേധമിരമ്പി. സിഐടിയു, കിസാന് സഭ, കര്ഷക തൊഴിലാളി യൂണിയന് എന്നിവരുടെ നേതൃത്വത്തിലാണ് കിസാന് മസ്ദൂര് സംഘര്ഷ് റാലി നടത്തുന്നത്. കര്ഷിക കടങ്ങള് എഴുതി തളളുക, ഉത്പാദന ചെലവിന്റെ അടിസ്ഥാനത്തില് താങ്ങുവില നിശ്ചയിക്കുക, തൊഴിലാളി വിരുദ്ധ തൊഴില് നിയമ ഭേദഗതി നിര്ത്തിവെക്കുക തുടങ്ങി 15 ആവശ്യങ്ങള് ഉന്നയിച്ചാണ് മാര്ച്ച്് നടത്തിയത്. ബാങ്കിംഗ്, ഇന്ഷുറന്സ്, കേന്ദ്ര സംസ്ഥാന ജീവനക്കാര്, അധ്യാപകര്, തുടങ്ങി വിവിധ വിഭാഗങ്ങളുടെ പിന്തുണയും ഇന്നത്തെ റാലിക്കുണ്ട്.
https://www.facebook.com/Malayalivartha
