മുന്പ്രധാനമന്ത്രി രാജീവ് ഗാന്ധി വധക്കേസില് പേരറിവാളന് അടക്കം ഏഴ് പ്രതികളെ ജയില് മോചിതരാക്കണമെന്ന് സുപ്രീംകോടതി, പ്രതികളെ വിട്ടയാനുള്ള തമിഴ്നാട് സര്ക്കാര് തീരുമാനത്തിനെതിരെ കേന്ദ്രസര്ക്കാര് സുപ്രിംകോടതിയെ സമീപിക്കുകയായിരുന്നു
മുന്പ്രധാനമന്ത്രി രാജീവ് ഗാന്ധി വധക്കേസില് പേരറിവാളന് അടക്കം ഏഴ് പ്രതികളെ ജയില് മോചിതരാക്കണമെന്ന് സുപ്രീംകോടതി ഉത്തരവിട്ടു. പ്രതികളെ വിട്ടയക്കണമെന്ന് 2016 ല് ജയലളിത സര്ക്കാരിന്റെ ഉത്തരവിനെതിരെ കേന്ദ്രസര്ക്കാര് സുപ്രീംകോടതിയെ സമീപിക്കുകയായിരുന്നു. കേന്ദ്ര ഏജന്സികള് അന്വേഷിച്ച കേസായിതാല് സംസ്ഥാന സര്ക്കാരിന് ഏകപക്ഷീയമായി തീരുമാനം എടുക്കാനാവില്ലെന്നും അന്തരാഷ്ട്ര ഇടപെടല് ഉണ്ടായ കേസാണെന്നും കാണിച്ച് കേന്ദ്രസര്ക്കാര് സുപ്രീംകോടതിയെ സമീപിക്കുകയായിരുന്നു. പേരറിവാളന്, ജയകുമാര്, ശാന്തന്, മുരളി, റോബര്ട്ട്, നളിനി, മുരുകന് എന്നിവരാണ് ജയിലില് കഴിയുന്നത്. പേരറിവാളന് 28 വര്ഷമായി ജയിലിലാണ്.
2010ല് പ്രതികളുടെ വധശിക്ഷ സുപ്രീംകോടതി റദ്ദാക്കി ജീവപര്യന്തമാക്കിയിരുന്നു. തുടര്ന്നാണ് ജയലളിത സര്ക്കാര് ഇവരെ ജയില് മോചിതരാക്കാന് തീരുമാനിച്ചത്. വിധിയില് സന്തോഷമെന്ന് പേരറിവാളന്റെ അമ്മ അര്പ്പുതാമ്മാള് പറഞ്ഞു. കേസിന്റെ പോരാട്ടത്തിനായി കേരളത്തില് നിന്നുള്ള ധാരാളം പേര് തന്നെ സഹായിച്ചെന്നും അവരോട് നന്ദിയുണ്ടെന്നും അവര് അറിയിച്ചു. നാളെ തമിഴ്നാടെ മുഖ്യമന്ത്രി എടപ്പാടി പളനിസ്വാമിയെ കാണുമെന്നും അവര് പറഞ്ഞു. രാഹുല്ഗാന്ധിയും പ്രിയങ്കാ ഗാന്ധിയും സോണിയാഗാന്ധിയും പ്രതികള്ക്ക് മാപ്പ് നല്കിയിരുന്നു.
https://www.facebook.com/Malayalivartha
