ഗുരുതര സുരക്ഷാ വീഴ്ച; തിരുവനന്തപുരത്തുനിന്ന് മാലദ്വീപിലേക്ക് പോയ എയര് ഇന്ത്യ വിമാനം ഇറങ്ങിയത് നിര്മാണത്തിലിരുന്ന റണ്വേയില്; യാത്രക്കാര് എല്ലാവരും സുരക്ഷിതര്
വെള്ളിയാഴ്ച് ഉച്ച തിരിഞ്ഞ് 3.55നാണ് സംഭവം. തിരുവനന്തപുരത്തുനിന്ന് മാലദ്വീപിലേക്ക് പോയ എയര് ഇന്ത്യ വിമാനം അവിടുത്തെ വിമാനത്താവളത്തില് നിര്മാണത്തിലിരുന്ന റണ്വേയില് ഇറങ്ങി. ഗുരുതര സുരക്ഷാ വീഴ്ചയാണ് സംഭവിച്ചതെങ്കിലും യാത്രക്കാര് എല്ലാവരും സുരക്ഷിതരാണെന്ന് ദേശീയ മാധ്യമങ്ങള് റിപ്പോര്ട്ടുചെയ്തു. വെലാന രാജ്യാന്തര വിമാനത്താവളത്തിലാണ് സംഭവം.
എയര്ബസ് എ 320 നിയോ വിമാനമാണ് തെറ്റായി ലാന്ഡുചെയ്തതെന്ന് എയര്ഇന്ത്യ അധികൃതര് പ്രസ്താവനയില് അറിയിച്ചു. നൂറിലേറെ യാത്രക്കാര് വിമാനത്തില് ഉണ്ടായിരുന്നു. വിമാനത്തിന്റെ ചക്രങ്ങള്ക്കും ബ്രേക്ക് സംവിധാനങ്ങള്ക്കും ഗുരുതര തകരാറ് സംഭവിച്ചിട്ടുണ്ട്.
മാലിദ്വീപ് വ്യോമയാന നിയന്ത്രണ അതോറിറ്റി സംഭവത്തെ കുറിച്ച് അന്വേഷണം നടത്തുമെന്ന് വിമാനത്താവള അധികൃതര് അറിയിച്ചു.വിമാനം പറത്തിയ രണ്ടു പൈലറ്റുമരേയും ജോലിയില് നിന്ന് താത്കാലികമായി ഒഴിവാക്കിയിട്ടുണ്ട്.
https://www.facebook.com/Malayalivartha
