അഭിനന്ദനെ വാഗയില്‍ എത്തിക്കുന്നതിനു മുമ്പ് രഹസ്യകേന്ദ്രത്തില്‍ വച്ച് പാക് അനുകൂല വീഡിയോ ചിത്രീകരിച്ചതിന് തെളിവുകൾ; അഭിനന്ദന്‍ വര്‍ദ്ധമാന്റെ മോചനം നാലു മണിക്കൂറോളം വൈകിച്ചത് പാക് ചാര സംഘടനയായ ഐ.എസ്.ഐയുടെ ഇടപെടലിൽ
വിംഗ് കമാന്‍ഡര്‍ അഭിനന്ദന്‍ വര്‍ധമാന്റെ മോചനം വാഗാ അതിര്‍ത്തിയില്‍ നാലു മണിക്കൂറോളം വൈകിച്ചത് പാക് ചാര സംഘടനയായ ഐ.എസ്.ഐയുടെ ഇടപെടലിനെ തുടര്‍ന്നെന്ന് സൂചന. അഭിനന്ദനെ വാഗയില്‍ എത്തിക്കുന്നതിനു മുമ്ബ് രഹസ്യകേന്ദ്രത്തില്‍ വച്ച് പാക് അനുകൂല വീഡിയോ ചിത്രീകരിച്ചതായി തെളിഞ്ഞിട്ടുണ്ട്. അഭിനന്ദനെ മോചിപ്പിക്കുന്നതിനു മുന്‍പു തന്നെ പാക് മാധ്യമങ്ങള്‍ ഈ വീഡിയോ പുറത്തുവിടുകയും ചെയ്‌തു.
വാഗയിലെ സൈനിക ഓഫീസ് കോംപ്ലക്സില്‍ കൈമാറല്‍ രേഖകള്‍ പരിശോധിക്കാന്‍ സമയമെടുക്കുന്നതായി പ്രചരിപ്പിച്ച ശേഷം അഭിനന്ദനെ ലാഹോറിനടത്ത് ഐ.ഐസ്.ഐയുടെ രഹസ്യ കേന്ദ്രത്തിലേക്ക് കൊണ്ടപോവുകയായിരുന്നു. പാക് അതിര്‍ത്തിക്കുള്ളില്‍ തന്റെ ആക്രമണ പദ്ധതി സാധ്യമാകും മുമ്ബ് വിമാനം വെടിയേറ്റു വീണെന്നും, പാരച്യൂട്ടില്‍ വീണ തന്നെ നാട്ടുകാരുടെ ആക്രമണത്തില്‍ നിന്നു രക്ഷിച്ച പാക് സേന പ്രഥമശുശ്രൂഷ ഉള്‍പ്പെടെ നല്ല പരിചരണം നല്‍കിയെന്നും അഭിനന്ദിനെക്കൊണ്ട് പറയിച്ച്‌ ചിത്രീകരിക്കുകയായിരുന്നു. 84 സെക്കന്‍ഡ് ദൈര്‍ഘ്യുള്ള വീഡിയോ 18 തവണ എഡിറ്റ് ചെയ്ത ശേഷം പുറത്തുവിട്ടു. ഇക്കാര്യങ്ങള്‍ രഹസ്യ ഏജന്‍സികളുടെ ചോദ്യം ചെയ്യലില്‍ അഭിനന്ദ് വെളിപ്പെടുത്തിയേക്കും.
https://www.facebook.com/Malayalivartha
