ബലാകോട്ടില്‍ പാക് വാദം തള്ളി പ്രദേശവാസികള്‍ കൂടി വന്നതോടെ ഇന്ത്യയുടെ വാദങ്ങള്‍ ശക്തമാവുകയാണ്. ഇന്ത്യന്‍ ആക്രമണത്തിന് ശേഷം മദ്രസയില്‍ നിന്നും രക്ഷപ്പെട്ടവര്‍ കുറച്ച്‌പേര്‍ മാത്രം. ജയ്‌ഷെ മുഹമ്മദിന്റെ ബലാകോട്ടിലെ തീവ്രവാദ പരിശീലന കേന്ദ്രത്തില്‍ വ്യോമസേന നടത്തിയ ബോംബാക്രമണത്തിന്റെ കൂടുതല്‍ വിവരങ്ങള്‍ പുറത്ത്. ബലാകോട്ടിലെ ജയ്‌ഷെ മുഹമ്മദിന്റെ മദ്രസയില്‍ താമസിച്ചിരുന്ന യുവാവിന്റെ ബന്ധുനല്‍കിയ വിവരണം ദേശീയ മാദ്ധ്യമാണ് പ്രസിദ്ധീകരിച്ചത്.

ഫെബ്രുവരി 26 ഇന്ത്യന്‍ സേന ബലാകോട്ടില്‍ ഭീകരര്‍ക്ക് പരിശീലനം നല്‍കുന്ന ജയ്‌ഷെ മുഹമ്മദിന്റെ മദ്രസയായ തലീം ഉല്‍ ഖുറാനെ ലക്ഷ്യം വച്ച് ബോംബാക്രമണം നടത്തിയത്. എന്നാല്‍ ഇന്ത്യന്‍ ആക്രമണത്തിന് ദിവസങ്ങള്‍ക്ക് മുന്‍പേ പാക് സൈന്യം ഇവിടെ സുരക്ഷ ഏര്‍പ്പെടുത്തിയിരുന്നുവെന്നും വിവരങ്ങള്‍ പുറത്ത് വരുന്നുണ്ട്. മദ്രസയില്‍ പഠനാവശ്യത്തിനെത്തിയ യുവാവിന്റെ ബന്ധു പറഞ്ഞ കാര്യങ്ങള്‍ ദേശീയ മാദ്ധ്യമം റിപ്പോര്‍ട്ട് ചെയ്യുന്നത് ഇപ്രകാരമാണ് . പുലര്‍ച്ചെ വലിയ സ്‌ഫോടന ശബ്ദം കേട്ടാണ് ഉറക്കമുണര്‍ന്നത്. വളരെ അടുത്തായിട്ടാണ് കാതടപ്പിക്കുന്ന ശബ്ദമുണ്ടായത്. ഭൂചലനമാണെന്നാണ് ആദ്യം കരുതിയത്. ഉടന്‍ തന്നെ സ്ഥലത്ത് പാക് സൈന്യം എത്തുകയും അവിടെ നിന്നും കൂട്ടികൊണ്ട് പോവുകയും ചെയ്തു. ധാരാളം പേര്‍ മദ്രസയിസയിലുണ്ടായിരുന്നുവെങ്കിലും അവരെല്ലാവരും തങ്ങളെ സൈന്യം എത്തിച്ച സുരക്ഷാ കേന്ദ്രത്തില്‍ എത്തിയിരുന്നില്ലെന്നും ബാക്കിയുള്ളവര്‍ക്ക് എന്ത് സംഭവിച്ചു എന്ന് സൈന്യം വെളിപ്പെടുത്തിയില്ലെന്നും പ്രാദേശികവാസി വെളിപ്പെടുത്തുന്നു. മൂന്ന് ദിവസത്തോളം സൈന്യം മദ്രസയിലുള്ളവരെ സുരക്ഷിത കേന്ദ്രത്തില്‍ താമസിപ്പിച്ചു. ഇതിന് ശേഷം അവരവരുടെ വീടകളിലേക്ക് തിരിച്ച് പോവാന്‍ സൈന്യം ആവശ്യപ്പെട്ടുവെന്നും റിപ്പോര്‍ട്ടില്‍ പറയുന്നു.

ബലാകോട്ടിലെ ലക്ഷ്യസ്ഥാനങ്ങളില്‍ കൃത്യമായി ആക്രമണം നടത്തിയെന്നും വ്യോമാക്രമണത്തില്‍ കൊല്ലപ്പെടുന്നത് എത്രപേരെന്ന് വ്യോമസേന കണക്കാക്കാറില്ലെന്നും വ്യോമസേന മേധാവി എയര്‍ ചീഫ് മാര്‍ഷല്‍ ബി.എസ്.ധനോവ വ്യക്തമാക്കി.കൊല്ലപ്പെട്ട ഭീകരരുടെ കണക്കെടുക്കുക വ്യോമസേനയല്ല. സര്‍ക്കാരാണ് അതു പറയേണ്ടതെന്നും കോയമ്പത്തൂരിലെ സുലൂര്‍ വ്യോമസേനാകേന്ദ്രത്തില്‍ നടന്ന വാര്‍ത്താസമ്മേളനത്തില്‍ ധനോവ പറഞ്ഞു.ബലാകോട്ട് ആക്രമണത്തിനുശേഷം ഇതാദ്യമായാണ് വ്യോമസേന ഇക്കാര്യത്തില്‍ പ്രതികരിക്കുന്നത്. ലക്ഷ്യത്തില്‍ കൊള്ളിക്കണമെങ്കില്‍ ഞങ്ങള്‍ കൊള്ളിച്ചിരിക്കും. അതല്ലെങ്കില്‍ പിന്നെന്തിനാണു പാക് പ്രധാനമന്ത്രി ഇമ്രാന്‍ ഖാന്‍ പ്രതികരിച്ചത്.