മഹാവീരന് മഹാവീര് പുരസ്കാരം; അഖിലഭാരതീയ ദിഗംബര് ജെയിന് മഹാസമിതി ഏര്പ്പെടുത്തിയ പ്രഥമ ഭഗവാന് മഹാവീര് അംഹിസപുരസ്കാരം വ്യോമസേന വിങ് കമാന്ഡര് അഭിനന്ദന് വര്ത്തമാന്
അഖിലഭാരതീയ ദിഗംബര് ജെയിന് മഹാസമിതി ഏര്പ്പെടുത്തിയ പ്രഥമ ഭഗവാന് മഹാവീര് അംഹിസപുരസ്കാരം വ്യോമസേന വിങ് കമാന്ഡര് അഭിനന്ദന് വര്ത്തമന് ഏറ്റുവാങ്ങുമ്പോള് ഇന്ത്യന് വ്യോമസേനയ്ക്ക് അത് ഒരു പുതിയ ഊര്ജമാകും. 2.51 ലക്ഷം രൂപയും പ്രശസ്തിപത്രവും ഫലകവും അടങ്ങിയ അവാര്ഡ് ഏപ്രില് 17ന് മഹാവീര് ജയന്തി ദിനത്തില് അദ്ദേഹത്തിന് സമ്മാനിക്കുമെന്ന് മഹാസമിതി ചെയര്പേഴ്സണ് മനീന്ദ്ര ജയിന് അറിയിച്ചു. ഇന്ത്യന് അതിര്ത്തി ലംഘിച്ച് ആക്രമണംനടത്തിയ പാകിസ്താന്റെ എഫ് 16 വിമാനത്തെ വെടിവെച്ചിട്ട മിഗ് 21 വിമാനം പറപ്പിച്ച അഭിനന്ദന് വര്ത്തമന് ധീരമായ പ്രകടനമാണ് കാഴ്ചവെച്ചത്. പാക് സേനയുടെ പിടിയിലായെങ്കിലും മോചിതനായി കഴിഞ്ഞ ദിവസം തിരിച്ചെത്തി.
ശാരീരിക ക്ഷമത പൂര്ണ്ണമായും വീണ്ടെടുത്ത ശേഷം വിങ് കമാന്ഡര് അഭിനന്ദന് വര്ത്തമന് യുദ്ധവിമാനം പറപ്പിക്കുമെന്ന് വ്യോമസേനാ മേധാവി എയര് ചീഫ് മാര്ഷല് ബി.എസ് ധനോവ. 'അദ്ദേഹം യുദ്ധവിമാനം പറപ്പിക്കുമോ ഇല്ലയോ എന്നത് അദ്ദേഹത്തിന്റെ ആരോഗ്യത്തെ ആശ്രയിച്ചിയിരിക്കും. മെഡിക്കല് ഫിറ്റ്നസ് ലഭിച്ചാല് അദ്ദേഹത്തിന് വീണ്ടും യുദ്ധവിമാനം പറപ്പിക്കാം. ഇപ്പോള് ചികിത്സയിലാണ്. എന്ത് ചികിത്സവേണമെങ്കിലും നല്കും. യുദ്ധവിമാനം പറപ്പിക്കുന്നവരുടെ ആരോഗ്യകാര്യത്തില് സാഹസത്തിന് തയാറല്ല', ബി.എസ് ധനോവ പറഞ്ഞു.
അതേ സമയം യുദ്ധവിമാനം പറപ്പിക്കുന്നവരുടെ നട്ടെല്ലിന് പൂര്ണ ആരോഗ്യം വേണമെന്നും അദ്ദേഹം കൂട്ടിച്ചേര്ത്തു. മിഗ്21 ബൈസണ് ഇപ്പോഴും ഉഗ്രശേഷിയുള്ള യുദ്ധവിമാനമാണെന്നും ധനോവ പറഞ്ഞു. അടുത്തിടെയാണ് മിഗ് അപ്ഗ്രേഡ് ചെയ്തതെന്നും അത്യാധുനിക ആയുധങ്ങള് വഹിക്കാനും വിക്ഷേപിക്കാനുമുള്ള സംവിധാനം മിഗില് ഉണ്ടെന്നും അദ്ദേഹം കൂട്ടിച്ചേര്ത്തു. പാക് പിടിയില്നിന്നു മോചിതനായി ഡല്ഹിയില് ചികിത്സയില് കഴിയുന്ന വിങ് കമാന്ഡര് അഭിനന്ദന് വര്ത്തമന്റെ 'ഡീബ്രീഫിങ്' തുടങ്ങി. തനിക്ക് എത്രയുംവേഗം യുദ്ധവിമാനങ്ങള് പറത്തണമെന്ന് വ്യോമസേനയുടെ ഉന്നതരോട് ഞായറാഴ്ച അഭിനന്ദന് പറഞ്ഞതായാണു സൂചന. ഡല്ഹിയിലെ സൈനിക ആശുപത്രിയിലാണ് അദ്ദേഹത്തെ പ്രവേശിപ്പിച്ചിരിക്കുന്നത്. കോക്പിറ്റിലേക്ക് മടങ്ങിപ്പോകണമെന്ന ആഗ്രഹം അദ്ദേഹം പ്രകടിപ്പിച്ചത്. അഭിനന്ദന് കോക്പിറ്റിലേക്ക് ഉടന് മടങ്ങിവരുമെന്ന് ഉറപ്പിക്കാനാണ് ശ്രമിക്കുന്നതെന്ന് സൈനിക കേന്ദ്രങ്ങള് വാര്ത്താ ഏജന്സികളോട് പറഞ്ഞു. പാകിസ്താനില് പീഡനങ്ങള് നേരിടേണ്ടി വന്നെങ്കിലും അഭിനന്ദന് വളരെ ആവേശത്തിലാണെന്ന് അവര് വ്യക്തമാക്കി. അഭിനന്ദന്റെ വാരിയെല്ലുകള്ക്ക് ചെറിയ ക്ഷതമുണ്ടെന്ന് എം.ആര്.ഐ. സ്കാന് പരിശോധനയില് കണ്ടെത്തിയെന്ന് വാര്ത്താ ഏജന്സി എ.എന്.ഐ. റിപ്പോര്ട്ടു ചെയ്തു. തകര്ന്ന വിമാനത്തില്നിന്ന് പാരച്യൂട്ടില് പാക് അധീന കശ്മീരില് ഇറങ്ങിയ അദ്ദേഹത്തെ നാട്ടുകാര് മര്ദിച്ചിരുന്നു. ഇതാവാം ക്ഷതത്തിനു കാരണമെന്നാണ് വിലയിരുത്തല്. വാരിയെല്ലിലെ ക്ഷതത്തിനു പുറമെ നട്ടെല്ലിന്റെ കീഴ്ഭാഗത്ത് പരിക്കുണ്ടെന്നും പരിശോധനയില് കണ്ടെത്തി. തകരുന്ന വിമാനത്തില്നിന്ന് പുറത്തേക്കു തെറിക്കുന്ന സംവിധാനം വഴി രക്ഷപ്പെടുമ്പോള് സംഭവിച്ചതാവാം ഈ പരിക്കെന്ന് വ്യോമസേനാ ഉദ്യോഗസ്ഥര് പറയുന്നു.
രഹസ്യം ചോര്ത്താന് പാകിസ്താന് എന്തെങ്കിലും ഇലക്ട്രോണിക് ഉപകരണങ്ങള് ശരീരത്തില് ഘടിപ്പിച്ചിട്ടുണ്ടോയെന്നും എം.ആര്.ഐ. സ്കാന് വഴി പരിശോധിച്ചു. എന്നാല്, ഒന്നും കണ്ടെത്തിയില്ല. സ്വാഭാവിക നടപടിക്രമങ്ങളുടെ ഭാഗമാണ് ഈ പരിശോധന.
https://www.facebook.com/Malayalivartha
