ഒരു സംസ്ഥാനത്ത് കേന്ദ്രം ഇടപെടുമ്പോള് പാലിക്കേണ്ട മര്യാദകള് ലംഘിക്കപ്പെട്ടുവെന്ന് പ്രിയങ്ക
ഒരു സംസ്ഥാനത്ത് കേന്ദ്രം ഇടപെടുമ്പോള് പാലിക്കേണ്ട മര്യാദകള് ലംഘിക്കപ്പെട്ടുവെന്ന് കാശ്മീര് വിഷയത്തില് പ്രതികരണവുമായി കോണ്ഗ്രസ് ജനറല് സെക്രട്ടറി പ്രിയങ്ക ഗാന്ധി. ഭരണഘടനാ വിരുദ്ധമായ വഴിയിലാണ് മോഡി സര്ക്കാര് കശ്മീരില് നീങ്ങിയതെന്ന് അവര് കുറ്റപ്പെടുത്തി. ജനാധിപത്യ തത്വങ്ങള്ക്ക് വിരുദ്ധമായിട്ടാണ് മോഡി സര്ക്കാര് പ്രവര്ത്തിച്ചതെന്നും ഉംബയില് മാധ്യമങ്ങളോട് സംസാരിക്കവെ പ്രിയങ്ക പറഞ്ഞു.
ഉത്തര് പ്രദേശിലെ സോന്ഭദ്രയിലുള്ള ഉംമ്പയില് 10 ആദിവാസികളെ വെടിവച്ചുകൊന്ന പ്രദേശം സന്ദര്ശിച്ച ശേഷം മാധ്യമങ്ങളെ കാണുകയായിരുന്നു പ്രിയങ്ക. എല്ലാത്തിനും നിയമവശമുണ്ട്. അത് കശ്മീരില് പാലിക്കപ്പെട്ടില്ല. കോണ്ഗ്രസ് എപ്പോഴും ഭരണഘടന അനുസരിച്ചാണ് പ്രവര്ത്തിച്ചിട്ടുള്ളതെന്നും പ്രിയങ്ക പറഞ്ഞു.
അതേസമയം, ആഭ്യന്തര മന്ത്രി അമിത് ഷാ 15ന് കശ്മീരിലെത്തുമെന്നാണ് റിപ്പോര്ട്ടുകള്. ലാല് ചൗക്കില് പതാക ഉയര്ത്തിയേക്കും. ലഡാക്കില് 16, 17 തിയ്യതികളില് സന്ദര്ശിക്കുമെന്നും സൂചനയുണ്ട്. ശ്രീനഗറിലെ വന് തിരക്കേറിയ സ്ഥലങ്ങളിലൊന്നാണ് ലാല് ചൗക്ക്. അമിത് ഷാ ഇവിടെ പതാക ഉയര്ത്തിയാല് മോദി സര്ക്കാരിന്റെ മറ്റൊരു ചരിത്ര നീക്കമാകും.
കശ്മീര് താഴ്വരയിലെ സ്ഥിതിഗതികള് കേന്ദ്രസര്ക്കാര് സൂക്ഷ്മമായി നിരീക്ഷിച്ചുവരികയാണ്. ദേശീയ സുരക്ഷാ ഉപദേഷ്ടാവ് അജിത് ഡോവല് കശ്മീരിലുണ്ട്. പുതിയ സാഹചര്യത്തില് ലാല് ചൗക്കില് പതാക ഉയര്ത്തരുതെന്ന അഭിപ്രായവും ഉയര്ന്നിട്ടുണ്ട്. കശ്മീരികളെ പ്രകോപിപ്പിക്കുന്ന നീക്കത്തില് നിന്ന് അമിത് ഷാ പിന്മാറണമെന്ന് എന്സിപി നേതാവ് മജീദ് മേമന് ആവശ്യപ്പെട്ടു.
https://www.facebook.com/Malayalivartha
