ഇന്ത്യയുടെ ആണവായുധ നയത്തില് മാറ്റങ്ങള് വന്നേക്കാമെന്ന് രാജ്നാഥ് സിങ്
ഇന്ത്യയുടെ ആണവായുധ നയത്തില് മാറ്റങ്ങള് വരാമെന്ന സൂചന നല്കി പ്രതിരോധ മന്ത്രി രാജ്നാഥ് സിങ്. പൊഖ്റാനില് സ്കൗട്ട് മാസ്റ്റര് മത്സരത്തിന്റെ സമാപനത്തില് പങ്കെടുക്കാന് എത്തിയതായിരുന്നു അദ്ദേഹം. 'ആദ്യം പ്രയോഗിക്കില്ല' എന്ന നയം തുടരുമ്പോഴും സാഹചര്യങ്ങള്ക്ക് അനുസരിച്ച് ആണവായുധ ഉപയോഗ നയത്തില് മാറ്റം വരാമെന്നു രാജ്നാഥ് പറഞ്ഞു.
പ്രതിരോധ മന്ത്രിയുടെ നിര്ണായക പ്രസ്താവന, ഇന്ത്യ രണ്ടു തവണ ആണവ പരീക്ഷണം നടത്തിയ രാജസ്ഥാനിലെ പൊഖ്റാനിലായിരുന്നു. കശ്മീരിന്റെ പ്രത്യേക പദവി എടുത്തുകളഞ്ഞത് ഉള്പ്പെടെയുള്ള വിഷയങ്ങളില് പാക്കിസ്ഥാന് പ്രകോപനം തുടരുന്ന സാഹചര്യത്തില് രാജ്നാഥിന്റെ പ്രസ്താവനയ്ക്കു മാനങ്ങളേറെയാണ്.
'ഇന്ത്യ ആണവശക്തിയുള്ള രാജ്യമാണ്. ആദ്യം പ്രയോഗിക്കില്ല എന്ന പ്രമാണമാണ് രാജ്യത്തിനുള്ളത്. ഇതുവരെയും ആ പ്രമാണം മുറുകെപ്പിടിച്ചിട്ടുണ്ട്. ഭാവിയില് ഇങ്ങനെത്തന്നെയാകുമോ എന്നു പറയാനാകില്ല. സാഹചര്യങ്ങള്ക്ക് അനുസരിച്ച് ആണവനയത്തില് മാറ്റം വരാം'- രാജ്നാഥ് പറഞ്ഞു.
മുന് പ്രധാനമന്ത്രി അടല് ബിഹാരി വാജ്പേയിയുടെ ഒന്നാം ചരമ വാര്ഷികത്തില് പൊഖ്റാനില് അദ്ദേഹത്തിന് ആദരാഞ്ജലി അര്പ്പിച്ച ശേഷമായിരുന്നു രാജ്നാഥിന്റെ പ്രതികരണം. വാജ്പേയിയുടെ നേതൃത്വത്തിലുള്ള ബിജെപി സര്ക്കാരിന്റെ കാലത്താണ് 1998-ല് രണ്ടാം പൊഖ്റാന് ആണവ പരീക്ഷണം ഇന്ത്യ നടത്തിയത്.
https://www.facebook.com/Malayalivartha